دنیا کے ترقی یافتہ ممالک میں انتخابات کے دوران منشور کی بنیادی اہمیت ہوتی ہے۔عوام نہ تو آنکھیں بند کر کے ووٹ کا استعمال کرتے ہیں نہ ہی سیاسی پارٹیاں منشور کے بغیر میدان عمل میں اترتی ہیں۔ اشرافیہ نے مختلف حیلوں سے عوام کو اتنے طبقات میں تقسیم کیا ہوا ہے کہ ان کی اجتماعی طاقت ختم ہو کر رہ گئی ہے اور وہ انتخابات میں پارٹی منشور دیکھے بغیر محض ذات، برادری، قومیت،نسل اور ذاتی مسائل کے حوالے سے اپنے ووٹ کا فیصلہ کرتے ہیں۔آج انتخابات جیسی اہم ترین سرگرمی ہونے میں کچھ دن ہی باقی رہ گئے ہیں لیکن تا حال کسی سیاسی جماعت نے اپنا منشور باقاعدہ طور پر جاری کرنے کا تکلف نہیں کیا۔پیپلز پارٹی کے سربراہ بلاول بھٹو زرداری نے محترمہ بے نظیر بھٹو کی برسی کے موقع پر اپنے منشور کے حوالے سے چیدہ چیدہ نکات تو پیش کیے لیکن باقاعدہ طور پر منشور کا اجرا ابھی بھی باقی ہے۔مسلم لیگ نون نے ایک بزرگ قلم کار کی سربراہی میں منشور کمیٹی قائم کی تھی لیکن وہ بھی سرکاری کمیٹیوں کی طرح کہیں کاغذات میں گم ہو کر رہ گئی ہے۔ نہ تو منشور سامنے آیا ہے نہ ہی منشور کے بنیادی نکات۔پاکستان تحریک انصاف کے سربراہ عمران خان اس وقت جیل میں بند ہیں ان کی جماعت کے اہم رہنما یا تو مقدمات کا سامنا کر رہے ہیں یا پھر پارٹی چھوڑ کر گوشہ عافیت میں اپنی سیاسی زندگی اور موت کی جنگ لڑنے میں مصروف ہیں لہذا ان کی طرف سے منشور کا اجرا نہ ہونا قابل فہم ہے۔ ابھی تک میدان سیاست اس روایتی گرمی سے بھی محروم نظر آ رہا ہے جو پاکستان میں انتخابات کا خاصہ ہوتی ہے۔سیاسی جماعتوں کی طرف سے ابھی تک بنیادی امور ہی طے نہیں ہو رہے۔انتخابات سے پہلے سیاسی جماعتیں اور ان کے نامزد کردہ امیدوار انتخابی میدان میں اترتے ہیں عوام کو بتاتے ہیں کہ وہ انتخاب جیت کر ان کے لیے کیا کریں گے ان کے سامنے اپنے منشور کے نکات........

© Daily Jang