لاپتہ افرادکے سلسلےمیں بلوچستان سے کچھ خواتین و حضرات احتجاج کیلئے اسلام آباد آئے ہوئے ہیں۔ انہوں نے اسلام آباد کلب کے باہر ڈیرے ڈال رکھے ہیں میڈیا پر ایک عجیب و غریب شور بپا ہے۔ ان کی باتیں سن کر لگتا ہے جیسےسچ مچ بلوچستان میں لاقانونیت اپنی انتہا کو پہنچی ہوئی ہے۔ احتجاج کرنے والی خواتین کی پُراعتماد گفتگو کے سحر میں بڑے بڑے صائب الرائے صحافی آئے ہوئے ہیں اور یہی سمجھتے ہیں کہ ظالموں نے بیگناہوں اور مظلوموں کی ایک بڑی تعداد اغوا کر رکھی ہے۔ میں خود یہ سوچنے لگ تھا کہ سفید دال میں کہیں کچھ کالا نیلا ہے مگر لاپتہ افراد سے متعلق بنائے گئے کمیشن نے جو رپورٹ سپریم کورٹ میں جمع کرائی ہے۔ اس نے پانی اور دودھ کو علیحدہ علیحدہ کر دیا ہے۔

رپورٹ کے اعداد و شمار کے مطابق پاکستان میں گمشدہ افراد کے کل 10078کیسز تھے۔ جب ان کی مکمل جانچ پڑتال ہوئی تو معلوم ہوا کہ 77فیصد کیس ڈسپوز ہو چکے ہیں۔ یعنی پورے ملک میں اس وقت گم شدہ افراد کی تعداد 2318ہے۔ برطانیہ میں گمشدہ افراد کی تعداد تقریباً پونے دو لاکھ کے قریب ہے۔ امریکہ میں اس سے کہیں زیادہ ہے۔ گم شدہ افراد کا مطلب یہ نہیں ہوتا کہ انہیں کسی نے پکڑ لیا ہے یا گرفتار کر لیا ہے۔ بے شمار لوگ بیرون ملک چلے جاتے ہیں اور اپنے گھر والوں کو بتاتے ہی نہیں کہ وہ کہاں ہیں اس کے بھی کئی سبب ہوتے ہیں۔ ذاتی رنجشوں کی بنا پر بھی افراد گم ہو جاتے ہیں۔ کئی دفعہ دشمن لاش ہی غائب کر دیتے ہیں۔ بے شک ان گمشدہ لوگوں میں ایسے لوگ بھی ہوتے ہیں جنہیں ملکی سلامتی کی محافظ ایجنسیاں اٹھا لیتی ہیں، جیسے کلبھوشن کے ساتھ مل کر کام کرنے والے لوگ جن سے متعلق عدالتوں میں ثبوت فراہم کرنا ممکن ہی نہیں۔ کیونکہ کوئی گواہ ہے ہی نہیں اور قانون پر عمل درآمد کرانے والوں کی گواہی کی عدالت میں کوئی........

© Daily Jang