سپریم کورٹ آف پاکستان نے پرویز مشرف کی وفات کی وجہ سے ان کو خصوصی عدالت کی طر ف سے سنائی گئی سزائے موت کو ساقط کردیا ہے اور انکو حاصل مراعات کوبھی ختم کردیا ہے۔فیصلے کی بنیاد یہ بیان کی گئی کہ ان کی طرف سے کوئی عدالت میں پیش نہیں ہوا اور اس کیس کی پیروی نہیں کی۔ شاید یہ پاکستانی عدالتی تاریخ کا پہلا مقدمہ ہے جس میں اس طرح کی سزا دی گئی ہے۔ اس کا مطلب یہ بھی ہوسکتا ہے کہ اگر کسی کو مجرم قرار دیا جائے اور اس کی و فات ہوجائے تو بھی مقدمہ کی کارروائی جاری رہتی ہے اور اس کی طرف سے بوجوہ کوئی پیروی کیلئے پیش نہ ہوسکے تو عدل یہ ہے کہ اس شخص کو جواس دنیائے فانی میں نہیں ہے ،پھر بھی اس طرح کی سزا دی جاسکتی ہے جس سے وہ تو نہیں لیکن اس کے اہل خانہ متاثر ہوجائیں۔ قانونی موشگافیاں تو قانون والے ہی جانتے ہیں لیکن انسانیت کی بنیاد پر عقلی طور پر دیکھنا بھی عدل ہے۔ اور وہ یہ کہ کسی شخص کی وفات کے ساتھ ہی اسکے خلاف قائم تمام مقدمات بھی ختم ہوجاتے ہیں لیکن اس کیس میں خصوصی طور پر ایسا نہیں کیا گیا۔ دیکھا جائے تو اس فیصلے میں تمام مثالوں کو نظر انداز کیا گیا ہے۔

اب سوال یہ بھی ہے کہ کیا ان لوگوں کوبھی سزا دی گئی ہے جو اس وقت پرویز مشرف کے ہم رکاب اور معاون تھے۔ کیا آئین شکنی کے اس ’’ خصوصی‘‘ مقدمہ میںان جج صاحبان کو بھی سزا دی گئی جنہوں نے اس وقت پی سی او کے تحت حلف اٹھایا تھا اور لیگل فریم ورک آرڈر کی توثیق کی تھی۔ انکے علاوہ کیا ان سیاستدانوں کو بھی سزادی گئی جنہوں نے پرویز مشرف کا ساتھ دیاتھا۔اگرپرویز مشرف نے غداری کی تھی تو اس وقت جن جج صاحبان اور سیاستدانوں نے ان کا ساتھ دیا تھا اور اس ’’ جرم‘‘ میں برابر کے شریک کار تھے، وہ سزا سے بری الذمہ کیسے قرار پائے جا سکتے ہیں۔ پرویز مشرف تواب اس دنیا میں نہیں ہیں لیکن ان........

© Daily Jang