تحریک انصاف کے انتخابی نشان، بلے کو بحال کرنے کے پشاور ہائی کورٹ کے فیصلے نے تمام حکومتی مشینری کے علاوہ سیاسی جماعتوں اور انکے اتحادیوں کی صفوں کو ہلا کررکھ دیا ہے۔ تحریک انصاف کو انتخابات کی دوڑ سے باہر کرنے کیلئے وہ بند دروازوں کے پیچھے کوئی اگلی چال چلنے کا سوچ رہے ہیں۔

دس جنوری کو مختصر حکم نامے میں پشاور ہائی کورٹ نے فیصلہ سنایا کہ ’’ہم بائیس دسمبر کو الیکشن کمیشن کے جاری کردہ حکم نامے کو غیر قانونی قرار دیتے ہیں کہ اس کی کوئی لیگل اتھارٹی اور قانونی جواز نہیں۔‘‘ اس نے الیکشن کمیشن کو مزید ہدایت دی کہ وہ ’’اپنی ویب سائٹ پر درخواست گزار (پاکستان تحریک انصاف) کیلئے فوراً ایک سرٹیفکیٹ شائع کرے کہ تحریک انصاف سیکشن 215اور 217اور الیکشن ایکٹ 2017 ءاور الیکشن رولز 2017ءکی کسی بھی اور معاون شق کے تحت اس انتخابی نشان کی حقدار ہے۔‘‘

تحریک انصاف کے سامنے مسلسل کھڑے کیے جانے والے بے شمار چیلنجوں سے بوجھل ماحول میںیہ فیصلہ پارٹی اور اسکے حامیوں کیلئے ہوا کا ایک تازہ جھونکا ہے۔ اگرچہ پارٹی کو اقتدار سے نکال باہر کیے جانے کے بعد روا رکھا جانے والا سفاک جبر بھی اس کے حامیوں کے عزم، استقلال اور جذبے کو متزلزل نہیں کر سکا، اور اب تو اس فیصلے نے ان کی توانائیوں کو مزید مہمیز دی ہے کہ وہ پہلے سے بھی زیادہ جوش و جذبے کے ساتھ انتخابی اکھاڑے میں آئیں۔

لیکن ابھی اس ڈرامے کے حتمی انجام سے پہلے ایک مرحلہ باقی ہے :وہ یہ کہ الیکشن کمیشن پشاور ہائی کورٹ کے فیصلے کو سپریم کورٹ میں چیلنج کرنے کا حق استعمال کیا جا رہا ہے۔ اگر ایسا ہوتا ہے، جس کا قوی امکان ہے، تو فاضل عدالت کا فیصلہ تحریک انصاف کے خلاف بھی ہو سکتا ہے۔ لیکن قانونی ماہرین کا خیال ہے کہ ایسا کرنا سپریم کورٹ کیلئے انتہائی بلاجواز ہو گا۔ لیکن پھر ہر چیز حکومت کی تبدیلی کے سہولت کاروں کی دسترس میں ہے۔

گزشتہ دوبرسوں سے عوام نے جو کچھ برداشت کیا ہے، یہ چند سطریں اس کا........

© Daily Jang