لوگ کہتے ہیں کہ کسی مرنے والے شخص کے خلاف کوئی بات نہیں کرنی چاہیے خواہ اس کے کرتوت کتنے گھناؤنے ہی کیوں نہ ہوں۔ درویش اس اپروچ کو درست نہیں سمجھتاکہ اس طرح تو ہسٹری کا بیڑا غرق ہوجائے گا اور بالفعل ہماری پوری ہسٹری اس نوع کے ذہنی خلفشار نے برباد کررکھی ہے جو لوگ اپنے ذاتی مفاد کیلئے ملک و قوم اور آئین و قانون کا کھلواڑ کرتے ہیں اگر انکے مرنے پر انہیں ولی اللّٰہ ثابت کرنے بیٹھ جائیں تو سچائی ہمیشہ کیلئے دم توڑ دے گی اورآنے والی نسلیں انہیں’’حضرت‘‘ہی سمجھتی رہیں گی۔ ہماری اسی اپروچ کے کارن ہمیں اپنوں کے لکھے سے بڑھ کر غیروں کی تحقیقات پر اعتماد کرنا پڑتا ہے۔‎درویش پچھلے کئی برسوں سے اپنے ملکی حالات بالخصوص جوڈیشری، مقتدرہ اور قومی سیاست میں اکھاڑ پچھاڑ پر کڑھتا چلا آرہا ہے ،نہ صرف اپنے کالموں اور یوٹیوبز پوسٹوں میں بلکہ اثرو رسوخ رکھنے والے اپنے احباب کے سامنے بھی کہ ہر سہہ مقامات پر یہ جو بد تہذیبی و بد تمیزی کا طوفان آیا ہوا ہے ہم ترقی معکوس کررہے ہیں ،اس جھکڑ سے ہم کیسے اور کب نکلیں گے؟ ہمارا میڈیا ہمہ وقت دو فٹے کو چھ فٹا اور چھ فٹے کو دو فٹا دکھانے پر مصر رہتا ہے،یوںہمارا عام آدمی حقیقت تک پہنچ ہی نہ پاتا، الحمدللّٰہ آج حالات نے ایسا پلٹا کھایا ہے کہ الٹی اور ٹیڑھی بھی سیدھی ہورہی ہیں درویش اکثر عرض گزار رہتا ہے کہ ویسٹرن ڈیموکریٹک سسٹم جو بھی ہے ہمارے سسٹم یا قومی اداروں میں ہنوز افراد کی اہمیت بہت زیادہ ہے ایک فرد جہاں بڑی بربادی لا سکتا ہے وہیں اگر مقتدر مقام پر بہتر فرد آجائے تو بہت سے دھونے دھو سکتا ہے۔ ہمارے سابق کھلاڑی کی حماقتوں پر تو پوری ایک کتاب لکھی جا سکتی ہے مگر 9مئی کی سازشی سکیم تو قول فیصل ٹھہری ہے، تین بار منتخب ہونے والا جتنا بھی سادہ لوح دکھتا ہے اپروچ میں وہ ان سارے سیانے چالبازوں کا گروہے،........

© Daily Jang