قارئین کرام ! OLIGARCHY، پولیٹکل سائنس کی ایڈوانس اسٹڈیز کی زبان میں استعمال ہونے والی ایک اہم اصطلاح ہے مگر اس ناچیز کا محتاط علمی اندازہ بھی ہے کہ اس (اصطلاح)کو مسلمہ اور مانی جانی جمہوری ریاستوں میں بھی شعوری کوشش سے عام نہیں ہونے دیا گیا۔ کیوں ؟ ناچیز کا تحقیقی مفروضہ (HYPOTHESIS)ہے کہ آج کے جدید دور میں بھی ترقی یافتہ جمہوری ریاستوں میں قوتِ عوام کی طاقت کے تمام راز آشکار ہونے پر مشتمل اولیگارکی ’’مافیا راج ‘‘ نے ریاست کی اصل طاقت ووسائل کا اختیار اپنے ہی ہاتھ میں رکھتے، بعض عوامی غیظ و غضب یا قوت ِاخوت ِعوام سے اپنے تحفظ کیلئےحکمران عسکری قیادت ،قاضی اور بڑے بڑے بابوئوں کو بھی اپنی مرضی سے چن کر اپنے فرنٹ مین کے طو رپر منتخب حکمرانوں ہم خیال گروہ ،خاندان حتیٰ کہ سیاسی جماعتوں(جو بظاہر عوامی ہوتی ہیں ) کے بنانے اور عوام پر مسلط کرنے کی اہانت اختیار کر لی ۔مافیا راج کی یہ گھڑی طاقت ان کو حاصل طاقتوں اور اختیار میں سے ایک ہے، اس کمال فنکاری سے اولیگارکی ٹولوں نے امریکہ، برطانیہ اور فرانس جیسے جمہوریت کے چمپئن ممالک میں بھی حکمرانوں تک کو اپنا ٹو ڈی بنایا ہوا ہے تبھی تو جمہوری نظام رو بہ زوال ہو کر سراب مانند ہو گیا ہے۔ تبھی تو ابراہام لنکن کے امریکہ میں ٹرمپ، بھارت میں مودی اور قائد اعظم کے پاکستان میں فوجی آمروں کے گھڑے ’’مٹی کے مادھوئوں ‘‘ کو سیاسی دیوتابنا دیا گیا۔ عالمی اولیگارکی نے تو ترقی پذیر ممالک میں اپنا بار بار مسلسل راج لانے کی صلاحیت اختیار کرکے فلسفہ جمہوریت عوام کی حکومت عوام کے ذریعے ،عوام کے لئے، کو فریب نظر میں تبدیل کر دیا اس تناظر میں ناچیز پاکستانی پولیٹکل سائنس کے اساتذہ محققین اور پی ایچ ڈی ، ایم فل جواں سال سکالرز کو تجویز اور زور دیتا ہے۔

’’اولیگارکی بمقابلہ جمہوریت‘‘ ایم اے کی سطح پر ایک سمسٹر کا کورس متعارف کرایا جائے کہ یہ پاکستان کے علمی دفاع سیاسی استحکام خصوصاً غریب و مفلوک و مقہور پاکستانیوں کی حالت زارمیں تبدیل کرنے کا بنیادی ہی نہیں فوری اور نا گزیر تقاضہ ہے، مایوس نہ........

© Daily Jang