حال ہی میں دہشت گرد تنظیم تحریک طالبان (ٹی ٹی پی) نے اپنی میڈیا نشریات کا لائحہ عمل جاری کیا ہے جبکہ بنیان مرسوس اور جہاد پاکستان جیسے ٹیلیگرام چینلز پر نشر کیا گیا ہے۔ اس تشہیر کا تجزیہ اس کی تحریر کے پیچھے میڈیا ماہرین اور تجربہ کار غیر ملکی پاکستان مخالف اداروں کے ہونے کا واضح اور کھلا ثبوت ہے۔ کیونکہ یہ کام طالبان جیسے لوگ نہیں کرسکتے بلکہ یہ ان لوگوں کا کام ہے جو کہ میڈیا اور اس کے معاشرتی نفسیات میں عمل دخل سے بخوبی واقف ہیں۔ ٹی ٹی پی جیسا ایک غیر منظم، میڈیا اور نفسیاتی تکنیکی نکات سے ناواقف گروہ اپنے طور پر اس طرح کا لائحہ عمل تیار نہیں کرسکتا۔ بنیان مرسوس پر جاری بیان میں کہا گیا ہے کہ پاک سرزمین پر نفاذ شریعت کے لئے تحریک طالبان پاکستان کے سرگرم اور اسلامی جذبے سے سرشار مجاہدین و مبارزین کے لئے نیا شرعی لائحہ عمل جو تحریک طالبان پاکستان کے رہبری شوریٰ اور دارالفتاء نےمشترکہ طور پر لکھ کر مرتب کیا ہے۔ پی ڈی ایف کی شکل میں پیش خدمت ہے لہٰذا تمام ساتھی اس پر عمل کریں۔ یہی بیان جہاد پاکستان نامی ٹیلیگرام چینل پر بھی جاری کیا گیا ہے۔ ٹی ٹی پی کے تیار کردہ لائحہ عمل میں کہیں بھی شریعت کے نفاذ کا ذکر موجود نہیں ہے بلکہ تمام حکمت عملی عوام اور فوج بالخصوص پشتونوں اور بلوچوں اور پاک فوج کے درمیان دراڑ پیدا کرنے کے اردگرد گھومتی ہے۔ قابل غور اور توجہ طلب بات یہ ہے کہ اسی حکمت عملی کا استعمال پی ٹی آئی سوشل میڈیا پر جعلی اکائونٹس کے ذریعے کرتی ہے۔ اس کے علاوہ یہی بلوچ علیحدگی پسند گروہوں اور پی ٹی ایم کے بیانیے میں بھی نظر آتا ہے ۔ بظاہر یوں معلوم ہوتا ہے کہ ایک ہی غیر ملکی ہاتھ ان تمام ریاست مخالف گروہوں کو چلا رہا ہے۔ ٹی ٹی پی کے لائحہ عمل میں یہ بھی شامل ہے کہ ٹی ٹی پی سے منسلک میڈیا ایسے ہر عمل سے باز رہے گا جو بین الاقوامی طاقتوں کو ناراض کرسکتا ہے۔ یہ اس طرف واضح طور........

© Daily Jang