عام انتخابات کے سلسلے میں سیاسی جماعتوں کی سرگرمیاں حتمی مرحلے میں داخل ہو چکی ہیں۔ ایسے میں یہ سوال بار بار ذہن میں آتا ہے کہ کیا عام انتخابات کے بعد ملک میں سیاسی اور معاشی استحکام پیدا ہو سکے گا یا حالات مزید ابتری کا شکار ہوں جائیں گے؟ کیا آنے والی حکومت معیشت کی مستقل بنیادوں پر بحالی کیلئے درکار ٹھوس اقدامات اور اصلاحات پر عملدرآمد کر پائے گی یا ہم کاروبار مملکت چلانے کیلئے یونہی عالمی مالیاتی اداروں اور دوست ممالک سے ایک کے بعد ایک قرضہ یا مالیاتی اعانت کیلئے خوار ہوتے رہیں گے؟ کیا ہماری سیاسی جماعتیں برداشت اور رواداری کی پالیسی اپنا کر اپنے اندر جمہوریت کو پنپنے دیں گی یا سیاسی محاذ آرائی کا سلسلہ یونہی جاری رہے گا؟ کیا ارباب اختیار ملک کی ترقی اور عوام کی خوشحالی کے ایجنڈے کو اپنی پہلی ترجیح بنائیں گے یا ذاتی اور سیاسی مفادات ہی مقدم سمجھے جائیں گے۔ کیاآئینی ادارے اور سرکاری محکمے قانون اور آئین کے دائرے میں رہتے ہوئے اپنی ذمہ داریوں کو پورا کرنے کی پالیسی اپنائیں گے یا ایک بحران سے نکلنے کیلئے ایک نیا بحران پیدا کرنے کی روش جاری رہے گی؟ یہ وہ سوالات ہیں جو ہر محب وطن پاکستانی کے ذہن میں کلبلا رہے ہیں لیکن کسی کے پاس ان سوالات کا تشفی آمیز جواب نہیں ہے۔

ملک میں سیاسی تقسیم بڑھتے بڑھتے نفرت اور شدت کی اس سطح پر پہنچ چکی ہے کہ ہر سیاسی جماعت کا ورکر اور لیڈر یکساں طور پر مخالف سیاسی جماعت کے کارکنوں اور قیادت کو قابل گردن زدنی سمجھنے لگا ہے۔ ایسے ماحول میں اگر کوئی سیاسی لیڈر مفاہمت اور مل جل کر ملک کو آگے لیجانے کی بات کرنا بھی چاہتا ہے تو اسے سو بار سوچنا پڑتا ہے کہ کہیں اس کے اپنے ہی اس بات پر اس سے ناراض نہ ہو جائیں۔ جہاں انتخابی عمل کا بنیادی نکتہ یہ ہونا چاہیے تھا کہ حکومت میں آنے کے بعد ملک کو درپیش معاشی مسائل کیسے حل ہوں گے، سرکاری اداروں کی استعداد........

© Daily Jang