پچھلے کچھ عرصے سے پورے ملک میں ایک سیاسی جماعت کے کارکنوں کے لئے عرصہ حیات تنگ کر دیا گیا تھا، تنگی کے اس ماحول میں خیبر پختونخوا کے عوام نے زنجیروں کو توڑا اور پولیس کی پرواکیے بغیر کامیاب کنونشن کیے۔ ان کنونشنوں کے راستوں میں رکاوٹیں حائل تھیں مگر عوامی ریلے نے رکاوٹوں کو توڑ دیا ۔ یہاں سے شیر افضل مروت کی صورت میں ایک توانا آواز سامنے آئی اور اس کا ایک جملہ پاکستان تو کیا، پاکستان سے باہر بھی گونجتا رہا۔ خیبرپختونخوا کے عوام کو دیکھ کر بلوچستان کے لوگوں نے بھی ہمت پکڑی اور انہوں نے بلوچستان کے کئی شہروں میں کامیاب کنونشن کر ڈالے۔ اس عرصے میں پنجاب اور سندھ میں پی ٹی آئی کے لئے مشکلات کا سفر رہا۔ پنجاب میں تو پورے صوبے میں مشکلات رہیں جبکہ سندھ میں خاص طور پر کراچی شہر پی ٹی آئی کے کارکنوں کے لئے مشکل بنایا گیا۔ انہی سخت ترین ایام میں ملکو نے ’’نک دا کوکا‘‘ گایا، اس گانے نے سوشل میڈیا پر اتنی دھوم مچائی کہ بھارتی فنکار بھی جھوم اٹھے۔ پنجاب اور سندھ میں لوگوں نے اپنی سیاسی محبت کو زندہ رکھنے کے لئے شادیوں پر یہ گانا چلایا۔ اب جب الیکشن کو پندرہ دن رہ گئے ہیں تو لیول پلینگ فیلڈ کی باتیں شروع ہو گئی ہیں۔ تین روز پہلے پنجاب کے وزیر اعلیٰ محسن نقوی نے میڈیا سے گفتگو کرتے ہوئے بتایا کہ اب سب پارٹیوں کے لئے لیول پلینگ فیلڈ ہو گی۔ اگر کسی کو کوئی شکایت ہو تو وہ ہمیں بتائے تاکہ شکایت کو دور کیا جا سکے۔ ایسا ہی مظاہرہ ٹک ٹاک کے ذریعے آئی جی پنجاب ڈاکٹر عثمان انور نے کیا ہے۔ پتہ نہیں مجھے کیوں لگتا ہے کہ ان کے اندر بہت سی فنکارانہ........

© Daily Jang