متوقع انتخابات میں چند ہی روز رہ گئے ہیں لیکن وہ انتخابی گہماگہمی نظر نہیں آرہی جواس موقع پرپہلے نظر آیا کرتی تھی۔ بہرحال مسلم لیگ(ن) نے ساہیوال اور مانسہرہ میں بڑے جلسے کرکے وہاں ماحول کو گرمانے کی کوشش ضرور کی ہے۔ بلاول بھٹو زرداری بھی پنجاب اور سندھ میں جلسے کررہے ہیں جن میں وہ سیاسی رواداری اور شائستگی سے دور ہوتے نظر آرہے ہیں۔ یہی لب ولہجہ بانی پی ٹی آئی کا بھی تھا۔ شاید چیئرمین پی پی پی ان ہی کے نقش قدم پر چلنے کی کوشش کررہے ہیں۔ یہ تو آنیوالا وقت ہی بتائے گا کہ اس کا نتیجہ کیا نکلے گا۔ مولانا فضل الرحمان تاحال اس انتخابی عمل میں اس طرح سرگرم نظر نہیں آرہے جس طرح وہ گزشتہ انتخابات میں نظر آتے تھے۔ اے این پی اور دیگر جماعتیں بشمول بلوچستان کی علاقائی جماعتوں کے بالکل متحرک نہیں ہیں۔ اسکی کیا وجوہات ہیں یہ تو سیاستدان ہی جانتے ہونگے۔

پاکستان تحریک انصاف کو شدید اندرونی اختلافات کا سامنا ہے۔ اس پارٹی پر اب وکلا قابض ہیں جنہوں نے کارکنوں کو نظر انداز کرکے ٹکٹیں آپس میں تقسیم کرلی ہیں۔ مبینہ طور پر وکلا کی وجہ سے پی ٹی آئی ’’بلے‘‘ کے نشان سے قانونی طور پر محروم ہوگئی ہے۔ لیکن اسکے علاوہ بھی چند اہم وجوہات ہیں جنکی وجہ سے اس جماعت کو انتخابی میدان میں شکست ہوسکتی ہے۔ پہلی وجہ یہ کہ اس جماعت کے کارکنان یقینی طور پر بے یقینی کا شکار ہیں۔ کیونکہ اس بات کا امکان موجود ہے کہ پی ٹی آئی کسی بھی وقت الیکشن کا بائیکاٹ کردے یا پارٹی کے امیدوار ہی الیکشن میں شرکت سے لاتعلق ہوجائیں اور کسی دوسری جماعت کے امیدوار کے حق میں دستبردار ہوجائیں۔ دوسری وجہ وہی ہے جو پہلے عرض کرچکے ہیں کہ پی ٹی آئی نے حقیقی کارکن امید واروں کو نظر انداز کردیاہے۔ تاہم سب سے بڑی وجہ یہ ہے کہ پی ٹی آئی کے خاموش کارکن اور حامی........

© Daily Jang