اسرائیل اور اس کے اتحادیوں کی تازہ بمباری سے جبالیہ کیمپ میں ہر طرف چیخ و پکار ہے۔ مجھے ایک ایسا ویڈیو کلپ دیکھنے کا اتفاق ہوا ہے جو خالصتاً بچوں کے حوالے سے ہے۔ اس ویڈیو میں امت محمدیہ کے بے بس بچے زخموں کے باعث کراہ رہے ہیں، کسی کے چہرے پر خون ہے، کسی کے بال خاک آلود ہیں۔ یہاں کے خدمت گار ڈاکٹرز اور طبی عملہ مرہم پٹی کرنے سے پہلے جب بھی زخموں کو دھوتا ہے تو بچے تکلیف کا اظہار کرتے ہیں۔ ظاہر ہے یہ اظہار چیخوں، آنسوؤں اور تڑپ سے ہوتا ہے۔ ان تکلیف دہ مناظر کو دیکھ کر کئی بار دل آزردہ ہوا۔ اپنی بے بسی پر رویا، امت محمدیہ کی یاد آئی تو بہت رویا پھر اپنی بے بسی میں ٹپکتے ہوئے اشکوں سے دامن بھگو لیا۔ بھیگی ہوئی آنکھیں، موسم کے سرد تھپیڑے، بے بسی کا عالم، عالم کی بے رخی، انسانیت سوز مظالم، تڑپتے ہوئے لاشے، زخموں سے چور معصوم سے پھول، زندگیاں بچانے کے لئے بھاگتے دوڑتے انسان اور نہتے لوگوں پر وحشیانہ بمباری، جب ایسے مناظر سامنے ہوں تو کیا لکھا جا سکتا ہے۔ وقت کا نوحہ، انسانیت کی تذلیل، مظلومیت کی تصویر، ظالموں کا بھیانک چہرہ، دنیا کا منافقانہ کردار اور مسلمان ملکوں کے غلام حکمرانوں کی خوف میں لپٹی ہوئی خاموشی، کیا لکھوں؟ اللّٰہ کے محبوب رسول صلی اللّٰہ علیہ وآلہ وسلم نے فرمایا تھا "مسلمان جسم کی مانند ہیں، جب جسم کے کسی ایک حصے کو تکلیف ہوتی ہے تو پورا جسم درد میں مبتلا ہو جاتا ہے"۔ میں ایک ادنیٰ سا غلام رسول صلی اللّٰہ علیہ وسلم بے........

© Daily Jang