سوشل میڈیا اپنی بات دوسروں تک پہنچانے کا ذریعہ ہے۔ آج کل سوشل میڈیاکا جائز استعمال آمدن کا سستا اور آسان ذریعہ بھی ہے۔ ہزاروں پاکستانی سوشل میڈیا کے جائز استعمال سے ماہانہ لاکھوں روپے کما رہے ہیں۔ اب تو کئی قسم کے کاروبار بغیر کسی دکان کے سوشل میڈیا کے ذریعے کیے جاتے ہیں۔ اس کے علاوہ مذہبی، تاریخی اور سماجی معلومات حاصل کرنے کیلئے بھی سوشل میڈیا ایک ذریعہ ہے۔ سوشل میڈیا ایک ذریعہ ہے، اب یہ اسے استعمال کرنے والے پر منحصر ہے کہ وہ اس کا استعمال کس مقصد کیلئے کرتا ہے۔ اگر سوشل میڈیا کو مثبت سوچ کے ساتھ تعمیری اور فلاحی مقاصد کیلئے استعمال کیا جائے جس سے استعمال کرنے والے، ملک اور قوم کا فائدہ اور بھلائی ہو تو یہ ایک بہترین اور بالکل جائز ذریعہ ہے لیکن اگر اسکے استعمال سے ملک وقوم کو نقصان پہنچنے کا اندیشہ ہو یا اس کے منفی استعمال سے قوم کی اخلاقی بربادی کا خطرہ ہو تو پھر اس کا تدارک بھی انتہائی ضروری ہے اور والدین کے علاوہ یہ حکومت وقت کی ذمہ داری ہے کہ ایسے افراد کے خلاف فوری، سخت اور ٹھوس عملی کارروائی کرے جو ایسے ملک دشمن، مذموم اور قبیح کاموں میں مصروف ہیں۔

بدقسمتی سے ہم موجودہ ترقی یافتہ دور میں بھی اکثر ترقی کرنے کے ذرائع کا منفی اور ناجائز استعمال کرتے ہیں اور پھر ترقی نہ کرنے کا رونا بھی روتے ہیں۔ غور کرنے کی بات ہے کہ جب ہماری سوچ ہی منفی ہو گی تو ہم منفی کام ہی کریں گے اور منفی کام کا نتیجہ بھی تو پھر منفی ہی نکلے گا۔ سوشل میڈیا کے ذریعے جھوٹا پروپیگنڈا، جھوٹی خبریں اور فحاشی پھیلانا نہ صرف ملک وقوم اور معاشرتی واخلاقی تباہی کا باعث ہے بلکہ سب سے بڑی بات یہ ہے کہ دین اسلام میں ایسی کسی بھی کوشش سے سختی سے منع کرتے ہوئے اس کو بڑا گناہ قرار دیا گیا ہے۔ یہ یاد رکھنا چاہیے کہ زندگی بہت ہی مختصر بلکہ چند دن کی ہے۔ ہم سب نے اللہ بزرگ وبرتر کے سامنے پیش ہونا ہے جہاں ایک ایک ذرے برابر نیک وبدعمل کا حساب ہو گا۔ اس وقت سے ڈرنا چاہیے۔ آج........

© Daily Jang