پروفیسر احسن اقبال مسلم لیگ ن کے وہ رہنما ہیں جو اپنی شرافت اورعلمی قابلیت کے سبب نہ صرف پاکستانی سیاست اور عوام میں قدر کی نگاہ سے دیکھے جاتے ہیں بلکہ عالمی برادری میں بھی ان کا ایک ممتاز مقام ہے۔ چین کی حکومت پہلے ہی انھیں ہیرو آف سی پیک کا خطاب دے چکی ہے جبکہ جاپان میں انھیں خصوصی طور پر بین الاقوامی کانفرنسوں میں لیکچرز دینے کیلئے دعوت دی جاتی ہے،انہیںاحترام امریکہ اور برطانیہ میں بھی حاصل ہے ،انھوںنے میاں نواز شریف کی ملک بدری کے دوران بطور جنرل سیکریٹری مسلم لیگ ن پارٹی کی ذمہ داریاں احسن طریقے سے نبھائیں،انھیں پارٹی اور اپنے قائد کے ساتھ استقامت سے کھڑے رہنے کی پاداش میں جیلوں میں بھی ڈالا گیا ، ویسے تو جب حکومت وقت فیصلہ کرلے کہ کسی بھی شخص کو سیاسی مخالفت میں جیل میں ڈالنا ہے تو پھر اس پر بھینس چوری کا الزام لگا کر بھی قید کردیا جاتا ہے لیکن احسن اقبال پر جو الزام لگا اس پر وہ آج بھی فخر کرتے ہونگے ،حقیقت بھی یہی ہے کہ احسن اقبال کو اپنے حلقے NA-76 میں نوجوانوں کیلئے یونیورسٹی اور اسپورٹس کمپلیکس قائم کے جرم میں قید کیا گیا۔ دوران قیدانہیں پارٹی اور اپنے قائد سے وفاداری تبدیل کرنے کیلئے دبائو ڈالا گیا اور جب اس میں کامیابی حاصل نہ ہوسکی تو قید طویل کردی گئی ، مجھے آج بھی یاد ہے کہ 2019ء میں عمران خان کی حکومت پورے جوبن پر تھی اور ہر روز اپوزیشن کا کوئی لیڈر گرفتار ہورہا تھا اور اگلے کو گرفتار کرنے کی تیاری کی جارہی تھی ، میں سیالکوٹ سے براستہ........

© Daily Jang