ہمارے ہاں بعض افراد 8فروری 2024ء کو ہورہے عام انتخابات کا موازنہ 7دسمبر1970ء کو ہونے والے عام انتخابات سے کر رہے ہیں تو سوچا کیوں نہ آج یہ مغالطہ دور کرنے کی کوشش کی جائے۔تقسیم ہندوستان کے بعدفیصلہ ہوا کہ جب تک دونوں ملک یعنی پاکستان اور بھارت اپنااپنا آئین نہیں بنالیتے تب تک گورنمنٹ آف انڈیا ایکٹ 1935ء کے تحت ہی معاملات کو چلایا جائے گا۔بھارت نے تو پہلی فرصت میں یہ مرحلہ طے کرلیا اور 1951ء میں وہاں پہلے عام انتخابات بھی ہوگئے مگر پاکستان میں سانپ سیڑھی کا کھیل چلتا رہا۔1956ء کا آئین منظور ہوا ،سکندر مرزا گورنر جنرل کا عہدہ متروک ہوجانے کے بعد صدر پاکستان بن گئے اور طے پایا کہ نومبر 1958ء میں پہلے عام انتخابات ہوں گے۔بعد ازاں عام انتخابات کی تاریخ تبدیل ہوگئی اور انہیں فروری 1959ء تک ملتوی کردیا گیا۔دِقت یہ تھی کہ اس آئین کے تحت کوئی شخص منصب صدارت پر براجمان رہتے ہوئے صدارتی انتخابات میں حصہ نہیں لے سکتا تھا یعنی صدر اسکندر مرزا کو دوبارہ صدر بننے کیلئے استعفیٰ دینا پڑتا اوراس بات کا احتمال تھا کہ وہ دوبارہ صدر منتخب نہ ہوپاتے۔چنانچہ کرسی کی لالچ میں وہ جنرل ایوب کے ہاتھوں استعمال ہوئے اور 8اکتوبر1958ء کو پاکستان بھر میں پہلا مارشل لاء لگا کر جمہوریت کی بساط لپیٹ دی گئی ۔بعد ازاں ایوب خان نے تین جرنیلوں کو بھیج کر کس طرح صدر میجر جنرل سکندر مرزا سے گن پوائنٹ پر استعفیٰ لیا ،یہ سب تاریخ کا حصہ ہے۔پہلے فوجی حکمران نے اپنا آئین متعارف کروایا۔مئی 1962ء میں انتخابات تو ہوئے مگر انہیں عام انتخابات نہیں کہا جاسکتا کیونکہ اس میں سب کو ووٹ ڈالنے کی اجازت نہیں تھی صرف بی ڈی ممبر ہی حق رائے دہی استعمال کرسکتے تھے۔ایوب خان کے خلاف احتجاجی تحریک شروع ہوئی تو وہ اپنے بنائے آئین کے مطابق اقتدار قومی اسمبلی کے اسپیکر کے سپرد کرنے کے بجائے ملک کی زمام کار ایک تازہ دم فوجی ڈکٹیٹر کے حوالے کرکے رخصت ہوگئے۔دوسرے فوجی حکمران جنرل یحییٰ خان نے عام انتخابات کروانے کا اعلان کردیا۔28نومبر 1969ء........

© Daily Jang