8 فروری 2024کو وطن عزیز میں الیکشن ہونے جا رہے ہیں۔ ان انتخابات کے سلسلے میں پہلے تو انتخابی مہم ٹھنڈی ٹھار تھی مگر اب سیاسی جلسوں میں کچھ تیزی آ گئی ہے۔ یہ انتخابات ایک ایسے وقت میں ہو رہے ہیں جب معاشی اعتبار سے پاکستان خطے میں سب سے پیچھے ہے۔ 8 فروری کے انتخابات کے سامنے سب سے بڑا سوال یہ ہے کہ ملک میں سیاسی استحکام آئے تاکہ ملک میں معاشی استحکام بھی آ سکے۔ سیاسی استحکام کے لئے ضروری ہے کہ ملک میں صاف اور شفاف انتخابات ہوں، صاف اور شفاف انتخابات کے لئے یہ ضروری ہے کہ سب کو ایک جیسا انتخابی ماحول میسر ہو، سب کے لئے لیول پلینگ فیلڈ ہو مگر بدقسمتی سے ایسا نہیں ہے۔ یہاں تمام سیاسی جماعتوں کے لئے ایک جیسا انتخابی ماحول میسر نہیں۔ لیول پلینگ فیلڈ پر گفتگو جاری ہے اور اس دوران پیر و مرشد بودی سرکار آ جاتے ہیں۔ میں نے سوچا کہ آج بغیر کسی تمہید کے بودی سرکار سے سیدھی سیدھی بات پوچھوں۔ میں نے اسی لئے سیدھا سوال الیکشن کے حوالے سے کیا۔ اس پر بودی سرکار کہنے لگے "انتخابات کے لئے شفافیت بہت ضروری ہے، جو الیکشن شفاف نہ ہوں تو اس کے نتیجے میں بننے والی حکومتیں ملک و قوم کا بھلا نہیں کر سکتیں، ایسی حکومتیں معیشت کے لئے زبردست فیصلے نہیں کر پاتیں اور نہ ہی ملک کو بحرانوں سے نکالنے میں کامیاب ہوتی ہیں ۔ مستقبل کے بحرانوں سے بچنے کے لئے یہ ضروری ہے کہ شفاف ترین الیکشن کروائے جائیں۔ زبردستی مسلط کی جانے والی حکومتوں کی کارکردگی ایسی ہی ہوتی ہے جیسے پی ڈی ایم کی سولہ ماہ کی حکومت تھی۔ ان سولہ مہینوں میں لوگ مہنگائی کی چکی میں پس کر رہ گئے۔ لوگوں کی زندگیوں میں تکلیفوں کا اضافہ ہوا، دراصل لوگ اسی........

© Daily Jang