غزہ میں المصطفیٰ ویلفیئر ٹرسٹ کی امدادی سرگرمیوں کے حوالے سے کالم لکھا تو کچھ دوستوں نے احساس دلایا کہ اس وقت فلسطین کا مسئلہ امداد سے زیادہ زندگی کی بقا ہے ۔وقت کی اہم ترین ضرورت فلسطینی ہولو کاسٹ کو روکنا ہے ۔

’’ہولو کاسٹ۔ایک سرخ ہیری کین

وقت پر بجتا ہوا پیانوکاخاموش نوٹ

ہولو کاسٹ۔لاکھوں لوگوں کا آخری سفر

گمشدہ روحوں کی تلاش میں

ہولو کاسٹ۔گندے نالے میں گرتے ہوئے خون کی تشددآمیز زور دار آواز

ہولو کاسٹ۔ایک ٹوٹے ہوئے کھلونے کے

گھاس پر بکھرے ہوئے ٹکڑے جنہیں جوڑا نہیں جا سکتا

ہولو کاسٹ۔کالے جنگلوں میں کبھی نہ ختم ہونے والا سفر

سورج کو چھپانے والا کالا بادل

گرم پتھروں کی آگ پر جلنے کا عمل

ہولو کاسٹ۔ایسے سایوں کے درمیان چل رہا ہے جو کبھی

نہ دیکھے گئے ہیںاور نہ سنے گئے ہیں مگر موجود ہیں

ہولو کاسٹ۔ہنگام بھری سرگوشیوں سے ٹوٹی ہوئی خاموشی‘‘

یہ ایک یہودی شاعرکی عبرانی میں لکھی ہوئی نظم کا اردو ترجمہ ہے۔جرمنی کے تاریخ ساز حکمراںایڈولف ہٹلر پر ایک الزام یہ بھی ہے کہ اس نے لاکھوں یہودیوں کا قتل عام کرایا۔ جسے یہودیوںنے ہولوکاسٹ کا نام دیا ۔شروع شروع میں جب یہودیوں نے اس ہولو کاسٹ کی بات کی تو اہل ِ یورپ نے اس الزام کو تسلیم کرنے سےانکار کردیاحتیٰ کہ برطانوی وزیر اعظم چرچل نے اپنی کتابوں میں اس دور کی چھوٹی چھوٹی باتیں بھی درج کی ہیں مگر کہیں اس ہولوکاسٹ کا ذکر نہیں کیا حالانکہ اس کی والدہ یہودی النسل تھی مگر یورپ میں یہودیوں کا اتنا زیادہ کنٹرول تھا کہ انہوں نے وہاں یہ قانون منظور کرا لیاکہ اگر کوئی شخص ہولو کاسٹ سے انکار کرے گا یعنی کہے گا کہ یہ واقعہ نہیں........

© Daily Jang