تضادستان کی پون صدی پر محیط ہسٹری انتخابات پر اعتراضات و تلخ حقائق سے آلودہ ہے۔ سوائے 1970ء والے انتخابات کے جن کے نتائج کو تسلیم ہی نہیں کیا گیا کیونکہ جو طاقتوران دنوں اقتدار پر براجمان تھے وہ انتقال اقتدار کیلئےتیار ہی نہیں تھے،نتیجتاً ملک ٹوٹ گیا۔ 77ء کے انتخابات میں اقتدار کے حریص سویلین شخص نےخود عسکریوں کو موقع دے دیا کہ وہ اقتدار حاصل کر لیں۔ 1985ء کے انتخابات مخصوص مقاصد کے تحت غیر جماعتی طور پر منعقد کروائے گئے جنکے منفی اثرات آج بھی ہماری قومی سیاست میں ملاحظہ کیے جاسکتے ہیں۔ ‎88ء کے انتخابات جن حالات میں منعقد ہوئے ان میں جمہوری قیادت کوجیسی کامیابی ملی وہ بھی غنیمت تھی مگر ایسی کڑی شرائط لگائی گئیں جن میں انتقالِ اقتدار نہیں شراکتِ اقتدار کا جمہوریت کے حق میں کمزور ترین فارمولا تشکیل پایا۔مابعد یہی فارمولا 90، 93اور 97سے ہوتا ہوا 2002ء ، 2008ء، 2013ءاور 2018ء تک پہنچا اور جوں کا توں آج 2024ء تک جاری و ساری ہے۔اس امر میں کوئی اشتباہ نہیں کہ اس دورانیے میں سویلینز اتھارٹی منوانےکیلئےبی بی اور میاں صاحب کے دو نام ضرور ابھر کر سامنے آئے مگر ایک کو مروادیا گیا اور دوسرے کی خوش بختی یا دانشمندی کہ جیل یاترا یا جلاوطنی پر اکتفا کیا گیا۔ ان دو کے علاوہ اس درویش کو افسوس کے ساتھ کہنا پڑتا ہے کہ یہاں ہمیشہ ”قومی مقابلۂ چاپلوساں“ جاری و ساری رہا اور آج بھی جاری ہے۔ ‎ سابق کھلاڑی کو میڈیا یا سوشل میڈیا میں بڑھا چڑھا کر پیش کیاجاتا ہے کہ جیسے وہ سویلین اتھارٹی منوانے کیلئے قید و بند کی صعوبتیں اٹھارہا ہے ۔ حالانکہ ایسی بات کہیں سرے سے موجود ہی نہیں اسے بھلا آئین، جمہوریت ،ہیومن رائیٹس یا سویلین اتھارٹی سے کیا غرض اس کا اول و........

© Daily Jang