8؍ فروری کو ملک میں قومی اور صوبائی اسمبلیوں کیلئے عام انتخابات ہوئے ۔ مجموعی طور پر یہ انتخابات پر امن، پر سکون اور خوشگوار ماحول میں شفافیت کیساتھ منعقد ہوئے۔ بدقسمتی سے کچھ لوگوں نے حسب روایت و عادت ان انتخابات کو بھی متنازعہ بنانے کی کوششیں شروع کر دی ہیں۔ ان لوگوں کے مطابق جہاں انکے حمایت یافتہ لوگوں جیتے ہیں وہاں انتخابات بغیر کسی دھاندلی کے اور انتہائی شفاف ہوئے ہیں لیکن جہاں انکے لوگ ہارے ہیں وہاں یقیناً دھاندلی ہوئی ہے۔ ان کے اس موقف سے یہ ظاہر ہوتا ہے کہ گویا پورے ملک میں ہر ووٹر نے انکے حمایت یافتہ امیدواران کو ووٹ دینا تھا لیکن دھاندلی کی وجہ سے دوسری جماعتوں سے تعلق رکھنے والےکچھ لوگ جیت گئے۔ ان کا موقف یہ بھی ہے جس کا انہوں نے برملا اظہار بھی کیا ہے کہ اگر وفاق، پنجاب اور کے پی میں ان کو حکومت نہیں دی گئی تو امن و امان کی صورتحال بہتر نہیں رہے گی۔ واضح الفاظ میں یہ کھلی دھمکی ہے کہ نہ تو وہ امن قائم ہونے دینگے نہ ہی حکومت کو چلنے دینگے۔ مسلم لیگ (ن) کی قومی اسمبلی میں زیادہ نشستیں جیتنے کے باوجود حالت پتلی ہے اور وہ وزیر اعظم کی کرسی پر بیٹھنے کے لئے ہر قیمت ادا کرنے کے لئے تیار ہے۔ حتیٰ کے نواز شریف کی قربانی دے کر شہباز شریف کو وزیر اعظم بنانے بلکہ اس کے علاوہ آدھی مدت کے لئے یہ منصب حاصل کرنے پر بھی راضی ہے۔ سیاست اور اقتدار بھی کیا چیز ہے۔ بعض لوگ اس دنیا کی چند روزہ زندگی کو ہی سب کچھ سمجھتے ہیں۔ اور اس کیلئے کچھ بھی کرنے کو تیار ہوتے ہیں۔ اس سارے قصے میں برا نواز شریف کے ساتھ ہوا۔ جن لوگوں نے ان کو وطن واپسی اور انتخابی مہم کی قیادت کرنے پر آمادہ کیا اس یقین دہانی کے ساتھ کہ وہ ہی بھاری اکثریت کے ساتھ وزیر اعظم ہوں گے۔ یعنی بلا شرکت غیرے۔ وہ سب دعوے غلط ثابت ہوئے بلکہ معاملہ ہی الٹ گیا۔ اس جماعت کو انتخابی نتائج کی صورت میں کئی سرپرائز ملے جو........

© Daily Jang