یہ بدقسمتی ہے کہ پاکستان میں ایک ’’ سیاسی‘‘ جماعت ایسی ہے کہ اس کی مرضی کے خلاف کوئی بھی کام جتنا بھی حقیقت پسندانہ اور غیر جانبدارانہ طریقہ سے کیا جائے وہ اس کام اور اس کے نتائج کو نہیں مانتی۔وہ سوشل میڈیا کے ذریعے جھوٹا پروپیگنڈہ اور من گھڑت الزامات سے لوگوں کو گمراہ کرنے کی کوشش کرتی ہے۔ صرف یہی نہیں بلکہ بیرونی دنیا میں بھی ریاست کو بدنام کرنے سے دریغ نہیں کرتی۔ اس کے لوگ یہ نہیں سوچتے کہ اپنے چند مفادات کیلئے وہ اس ملک کو کتنا نقصان پہنچاتے ہیں جہاں وہ سیاست کرتے ہیں۔ ان کی خواہش اور مرضی کے برعکس ہونیوالے ہر اقدام کا ذمہ دار وہ اسٹیبلشمنٹ کو قرار دیتے ہیں جو ایک خطرناک کھیل ہے اور یہ کھیل کچھ عرصہ سے جاری ہے۔اس کھیل کے جاری رہنے میں ایک حد تک اسٹیبلشمنٹ بھی ذمہ دار ہے اور وہ اس لئے کہ9مئی کے واقعات اور اس سے پہلے عسکری قیادت کے خلاف نازیبا بیانات پر وہ ایکشن نہیں لیا گیا جو لینا چاہیے تھا۔ اسٹیبلشمنٹ کی اس نرمی سے اب بھی ناجائز فائدہ اٹھایا جارہا ہے سوال یہ ہے کہ9مئی کے واقعات کے باوجود اب تک نہ صرف وہ جماعت برقرار ہے بلکہ ان واقعات میں ملوث افراد جو جیلوں میں ہیں بلکہ اشتہاری بھی ہیں ان کو الیکشن میں حصہ کیوں لینے دیا گیا ۔ آج وہی لوگ نہ صرف آنیوالی حکومت کو چلنے نہ دینے کی دھمکیاں دے رہے ہیں بلکہ ریاست کے خلاف سرگرم ہوکربیرونی دنیا میں پا کستان کو بدنام کرنے کی کوششیں کررہے ہیں۔ نہ وہ کسی قانون وآئین، جو الیکشن سے متعلق ہیں ،پر عمل پیرا ہوتے ہیں نہ ان انتخابی نتائج کو تسلیم کرتے ہیں جہاں سے ان کے امید وار ہار چکے ہیں۔ دوسری طرف وہ اسٹیبلشمنٹ پر الزام لگاتے ہیں کہ جہاں سے ان کے امیدواروں کو شکست ہوئی ہے اس کی ذمہ دار اسٹیبلشمنٹ ہے۔ اگر کے پی کے میں ان کے امیدوار جیت گئے ہیں اور امیر حیدر ہوتی، سراج الحق، ایمل ولی خان اور مولانا فضل الرحمن، آفتاب احمد خان شیرپائو ، پرویز خٹک،غلام احمد بلور اور........

© Daily Jang