پاکستان میں حالیہ انتخابات پر ملکی سطح پر خاص طور پر شکست زدہ سیاسی جماعتوں کی طرف سے تو انتخابات پر اعتراضات ہورہے ہیں مگر پریشان کن بات یہ ہے کہ بین الاقوامی سطح پر چند بڑے ملکوں اور کچھ انتہائی اہم بین الاقوامی اداروں کی طرف سے بھی اعتراضات ہوئے ہیں ۔جن ملکوں کی طرف سے اس سلسلے میں اعتراضات کئے جارہے ہیں‘ ان میں امریکہ‘ برطانیہ‘ آسٹریلیا شامل ہیں۔ اقوام متحدہ و یورپی یونین کی طرف سے بھی ملکی انتخابات پر اعتراضات کئے گئے ہیں۔ اس سلسلے میں امریکہ اور یورپی یونین نے سرگرم سیاسی کارکنوں کی نظر بندی کے علاوہ انتخابات میں مداخلت کے الزامات کا بھی ذکر کیا ہے۔ انہوں نے زور دیا ہے کہ مبینہ طور پر ہونے والی بے قاعدگیوں‘ نتائج کو تبدیل کرنے اور فراڈ کی سرگرمیوں والے الزامات کی مکمل تحقیقات کرنے کی ضرورت ہے‘ امریکا کے کچھ قانون سازوں کی طرف سے بھی اس قسم کے اعتراضات کئے گئے ہیں‘ اسی دوران برطانیہ کے وزیر خارجہ ڈیوڈ کیمرون نے ایک بیان میں ان انتخابات کی شفافیت پر تشویش ظاہر کی ہے۔ آسٹریلیا کے خارجہ امور نے اس بات کا خاص طور پر ذکر کیا ہے کہ ہر پارٹی کو ووٹنگ میں موقع نہیں دیا گیا اور ساتھ ہی ووٹرز کی آرا کو محدود کرنے پر ناراضی کا اظہار کیا ۔ اقوام متحدہ کے سیکرٹری جنرل نے خاص طور پر انتخابات کے دن موبائل سروس بند کرنے اور پولنگ کے دوران پر تشدد واقعات پر تشویش کا اظہار کیا۔ بہرحال پاکستان کے سفیر نے انتخابات پر مثبت بیان جاری کرتے ہوئے کہا ہے کہ پاکستان کے انتخابات ملک کی معاشی ترقی کیلئے سازگار ہوں گے دوسری طرف پاکستان کی وزارت خارجہ نے ایک بیان میں ملکی انتخابات کے طریقہ کار پر بین الاقوامی تنقید پر تعجب ظاہر کرتے ہوئے اس بات پر زور دیا ہے کہ اس قسم کی تنقید میں اس بات کو نظر انداز کیا گیا ہے کہ پاکستان میں ہونے والے انتخابات کس نوعیت کے تھے۔ امریکا اور یورپی یونین وغیرہ کے خدشات کو رد کرتے ہوئے پاکستان کی وزارت خارجہ کی ترجمان زہرہ بلوچ نے کہا ہے کہ عام انتخابات پر مختلف ممالک اور تنظیموں کی طرف سے جو بیان جاری کیے گئے........

© Daily Jang