کچھ عرصہ سے وطن عزیز میں سیاست کے نام پر خطرناک کھیل کھیلا جارہا ہے۔ روز نیا تماشا لگانے کا مقصد مفادات کا حصول اور ملک میں افراتفری پھیلانے کے سوا اور کیا ہوسکتا ہے۔ دوسری طرف جس طرح ایسے لوگوں کو ڈھیل دی جارہی ہے وہ بھی حیران کن ہے الیکشن میں جیتنے والے بھی آپس کی کھینچا تانی میں لگے ہوئے ہیں ۔ نہ کسی کو ملک کی فکر ہے نہ آنے والے حالات کا ادراک ۔اپنے اپنے مفادات کا حصول ہی ملکی مفادات پر مقدم سمجھنا کیسی سیاست ہے۔ ملک میں انارکی اور افراتفری پھیلانے کے لئے بعض لوگ آپس میں ایک ہونے کی کوششیں کر رہے ہیں۔ یہ بات بڑی غلط فہمی ہے کہ ملک کے دفاع کے ذمہ دار ان حرکتوں اور کوششوں سے غافل ہیں لیکن محب وطن پاکستانی اس پر حیران ہیں کہ آخر کب تک ملکی مفادات سے کھیلنے والوں کو شتر بے مہار کی طرح کھلا چھوڑا جائے گا ایسا نہ ہو کہ اس دوران چڑیا سارا کھیت ہی چگ لیں۔روز روز نئے تماشے ہورہے ہیں۔ الیکشن میں جیتنے والے بھی بے یقینی کا شکار ہیں اور ہارنے والے بھی پریشان ہیں لیکن ایک جماعت ایسی ہے کہ وہ جہاں سے جیتے وہاں الیکشن میں دھاندلی کا کوئی الزام نہیں لگاتی۔ صرف ان جگہوں پر ا ن کو دھاندلی نظر آتی ہے جہاں سے ان کے امیدواروں کو شکست ہوئی ہے۔ اس کا ایک مطلب تو یہ ہے کہ گویا پورے پاکستان کے ووٹرز ان ہی کے حامی تھے سب لوگوں نے اسی جماعت کو ووٹ دیئے ہیں لیکن بعض جگہوں پر زبردستی یا دھاندلی کے ذریعے اس جماعت کے امیدواروں کو ہرایا گیا۔ اگر ایسی ہی بات تھی تو پھر اس کو الیکشن کہا جائے یا ریفرنڈم کہا جائے ۔عجیب بات یہ ہے کہ جہاں اس جماعت کے امیدواروں کے مدمقابل دوسری جماعتوں کے امیدوار ہارے ہیں وہ جماعتیں بھی اس مخصوص جماعت سے مل کر احتجاج کرنے پر تیار ہیں۔ اب کوئی کیا سمجھے کہ سارے کھیل کا مقصد کیا ہے اور کون کون اس میں شامل ہے۔ حقیقت یہ ہے کہ جیسا کہ الیکشن سے کافی دن........

© Daily Jang