ملک میں سیاسی طور پر شعور کی موت ہوچکی ہے۔ نئی نوجوان نسل سے جب بات کرتا ہوں تو پریشان ہوجاتا ہوں، کبھی ہم جامعہ سندھ کے طالب علم تھے اور نوجوانی کا سحر ہم پر بھی طاری تھا، اکثر ہماری بحث کا موضوع سیاست ہوتی تھی، ہم علی امین گنڈاپور ( جو زبان و کلام سے غنڈہ پور کے شہری لگتے ہیں) کے بجائے مارکس اور اینگلز جیسی نامور شخصیات کے ساتھ ساتھ روسو اور فلسفہ سمیت معیشت، سیاست، سماجیات، نیشنلزم ، اشتراکیت وغیرہ پر نہ صرف بحث کرتے تھے بلکہ بائیں اور دائیں بازو کی سیاست کرتے ہوئے ایک نظریہ کے پیچھے اپنی زندگی گزارتے تھے، پھر ہم نے عجیب قسم کا نوجوان دیکھا جو کہتا ہے کہ کاش عمران خان میرے باپ ہوتے، یہ ہی نہیں کچھ خواتین تو یہ کہتی دکھائی دیں کہ میں عمران خان کے لیے اپنا شوہر چھوڑنے کوتیار ہوں، اور پھر ایسا ہی کچھ اسلام آباد میں پی ٹی آئی کےدھرنے کے دوران دیکھنے کو ملا ، اس طرح کی گفتگو میں نے اپنی زندگی میں کبھی نہیں سنی تھی۔ نوجوان جو عمران خان کے سحر میں مبتلا ہیں یہ نوجوان تعلیم، عقل اور اخلاقیات کو ایک ساتھ رکھ کر ملک کی تقدیر بدل سکتے ہیں۔مگر عمران خان کے ان ہمدردوں کے پاس تعلیم اور عقل ضرور ہے لیکن اخلاقیات کا جنازہ ان کے ہاں سے کئی سال پہلے نکل چکا ہے عمران کی ضد دیکھیں الیکشن کے بعد اپنی انا ،غرور میں کہاپی پی پی ،ن لیگ سے بات نہیں کرونگا اور اکیلے حکومت سازی کرونگا پھر اسکے لئے یہ مطالبہ بھی کہ میرے92ممبروں کو 180کر دیا جائے ۔آپ دیکھیں الیکشن کے بعد ان کی پی ٹی آئی نے پنجاب میں کافی حلقوں کے رزلٹ کو الیکشن کمیشن اور ہائی کورٹ میں چیلنج کیا ہے اور اب تک جس بھی حلقے کا کیس سنا گیا اور کمیشن کے ممبر ،یا ہائی........

© Daily Jang