میں وقت سے کافی پہلے اسلام آباد کی احتساب عدالت پہنچ چکا تھا لہٰذا مجھے عدالت کے اندر جانے کی اجازت مل گئی اور اب سے کچھ دیر بعد میاں نواز شریف اور مریم نواز شریف اپنی ایک سو ایک ویں پیشی پر کچھ دیر بعد احتساب عدالت پہنچنے والے تھے، پولیس اور دیگر سرکاری اہلکاروں کی چابکدستی دیکھ کر اور دیگر موصولہ اطلاعات کے بعد اندازہ ہو چکا تھا کہ میاں نواز شریف اپنی صاحبزادی کے ہمراہ جاتی عمرا سے صبح چار بجے اسلام آباد کی احتساب عدالت میں پیشی کیلئے روانہ ہو چکے تھے اور کچھ ہی دیر بعد وہ احتساب عدالت پہنچنے والے تھے۔ عدالت کے باہر ن لیگ کے درجنوں اہم رہنما جمع ہو چکے تھے جنھیں عدالت کے اندر جانے سے روک دیا گیا تھا، کچھ ہی دیر بعد میاں نواز شریف اورمریم نواز سمیت دیگر رہنما عدالت میں داخل ہوئے، شدید دبائو اور طویل سفر کے باوجود میاں نواز شریف ہشاش بشاش تھے جبکہ مریم نواز بھی بلند حوصلے کے ساتھ اپنے والد کے پیچھے موجود تھیں، عدالتی کارروائی کا آغاز ہوا اور کافی دیریہ عدالتی کارروائی جاری رہی، کچھ دیر کے بعد عدالت کارروائی میں وقفہ آیا تو مجھے اور ایک اور بیرون ملک سے آئے ہوئے صحافی کو میاں صاحب سے ملاقات کیلئے عدالتی احاطے میں لے جایا گیا، کئی لیگی رہنما آخری نشستوں پر براجمان تھے جبکہ وکلاء اپنے کیس کی تیاری میں مشغول تھے، سب سے اگلی نشست پر میاں نواز شریف اور مریم نواز شریف تشریف فرما تھے، مجھ سے کھڑے ہو کر میاں نواز شریف سے مصافحہ کیا، اس موقع پر والد کو دیکھتے ہوئے مریم نواز بھی اپنے والد کے........

© Daily Jang