ملک کے سیاسی اور معاشی حالات گزشتہ کچھ عرصے میں جس نہج پر پہنچ چکے ہیں۔ اس سے ہر طبقہ فکر میں پریشانی پائی جاتی ہے کیونکہ عام انتخابات سے پہلے ملک جس سیاسی خلفشار کا شکار تھا وہ ابھی تک ختم ہونے میں نہیں آ رہا ۔ ان حالات میں اگر ملک کے حالات بہتر بنانے ہیں اور ملک کو ترقی یافتہ و خوشحال بنانے کا خواب شرمندہ تعبیر کرنا ہے تو اس کیلئے علاقائی تجارت اور تعلقات کی اہمیت کو مدنظر رکھتے ہوئے پالیسیاں تشکیل دینے کی ضرورت ہے۔ اس سے ایک طرف جہاں لوگوں میں پائی جانے والی مایوسی کا خاتمہ ہو گا وہیں پاکستان کے اپنے ہمسایہ ممالک سے تعلقات میں بہتری آئے گی اور بین الاقوامی سطح پر بھی ملک کا مثبت امیج اجاگر ہو گا۔

اس حوالے سے پاکستان اپنے جغرافیائی محل وقوع، موجودہ بنیادی ڈھانچے اور اقتصادی مواقع کی وجہ سے وسطی ایشیا اور بھارت کے علاوہ دیگر ہمسایہ ممالک کے مابین تجارت کا اہم ذریعہ بننے کی بھرپور صلاحیت رکھتا ہے۔ علاوہ ازیں پاک چین اقتصادی راہداری کے تحت بننے والے انفراسٹرکچر کی وجہ سے بھی خطے میں پاکستان کی اہمیت میں اضافہ ہوا ہے۔ علاوہ ازیں تاریخی طور پر بھی پاکستان میں شامل علاقے ماضی میں وسطی ایشیا کو برصغیر پاک و ہند سے ملانے والے قدرتی راستے کے طور پر استعمال ہوتے رہے ہیں۔ پاکستان کا محل وقوع ایران یا چین سے گزرنے والے تجارتی راستوں کے مقابلے میں مختصر فاصلے والا کم خرچ تجارتی راستہ فراہم کرتا ہے۔ علاوہ ازیں چین پاکستان اقتصادی راہداری اور گوادر پورٹ کی ترقی نے وسطی ایشیا اور بھارت کے ساتھ پاکستان کے رابطوں کے مواقع کو بڑھایا ہے۔ گوادر بندرگاہ، جو بحیرہ عرب پر واقع ہے، بین الاقوامی منڈیوں بشمول وسطی ایشیا اور بھارت کے ساتھ براہ راست سمندری رابطہ فراہم کر سکتی ہے۔

پاکستان گزشتہ کئی سال سے سڑکوں، ریلوے اور بندرگاہوں سمیت اپنے........

© Daily Jang