پاکستان کی تاریخ انتخابی دھاندلیوں سے بھری پڑی ہے لیکن حالیہ الیکشن نے تمام ریکارڈ ز توڑ دیے ہیں۔الیکشن کمیشن اور انتظامیہ جنہوں نے ملکر یہ الیکشن کروائے ، وہ اس عمل میں مکمل طور پر ناکام ہوگئے جس پر پاکستان میں انسانی حقوق کی تنظیموں کے ساتھ ساتھ بین الاقوامی سطح پر بھی اس الیکشن پر شدید اعتراضات اٹھائے گئے۔حتی کہ اقوام متحدہ کے جنرل سیکرٹری نے بھی انتخابی دھاندلی پر اعلیٰ سطح کی تحقیقات کا مطالبہ کیا ۔ اس الیکشن سے ایک بات ابھر کر سامنے آئی ہے کہ ہم اس سماج میں جمہوریت کو پروان چڑھانے میں بالکل سنجیدہ نہیں ۔مبصرین کا خیال تھا کہ 2018ء کے تلخ تجربے سے کوئی سبق حاصل کیا جائے گا ،جس میں تحریک انصاف کو مسلط کیا گیا اور جس کا خمیازہ آج بھی عوام مہنگائی کی صورت میں بھگت رہے ہیں اور یہ کہ 2024ء میں ایسا کھلواڑ کرنے سے اجتناب کیا جائے گا۔سونے پر سہاگہ کہ اسٹیبلشمنٹ نے عمران خان اور انکی جماعت کے لیڈروں پر پے در پے اتنے مقدمات بنوائے کہ تحریک انصاف عوام کی نظروں میں مظلوم تر بن کر ابھری۔یوں تحریک انصاف کسی سماجی ترقی کے بغیر ہی مخالفانہ کارروائیوں اور سابقہ حکومت کی ناقص اقتصادی پالیسیوں کی وجہ سے ملک کی سب سے بڑی پارٹی بن گئی ۔اس کے ساتھ ساتھ سپریم کورٹ کے تحریک انصاف سے انتخابی نشان چھیننے کے فیصلے نے بھی تحریک انصاف کو مظلوم بننے میں مدد کی ۔یوں مقتدرہ ، انتظامیہ اور الیکشن کمیشن کی تمام ترکوششوں کے باوجودبھی تحریک انصاف پارلیمنٹ کی سب سے بڑی پارٹی بن گئی اور اب مسلم لیگ ن اور پیپلز پارٹی کو اکٹھا کر کے مرکزمیں حکومت بنائی جا رہی ہے۔ہماری سیاسی تاریخ گواہ ہے کہ تباہی اور بربادی کے بعد ہر شخص اس بات سے اتفاق کرتا ہے کہ جمہوری عمل کی بیخ کنی کرنے کی وجہ سے ملک کو تباہی اور معاشی بحرانوں کا سامنا کر نا پڑا لیکن جب بربادی سے بچنے کے مواقع موجود ہوتے ہیں تو........

© Daily Jang