یہ بات تو سیاسی مخالفین بھی مانتے ہیں کہ پاکستان پیپلزپارٹی نے سیاست میں ہمیشہ مفاہمت کا راستہ اختیار کیا ہے اور کبھی بھی ٹکرائو کی سیاست نہیں کی جس کا ظاہر ہے ملک کو فائدہ ہوا ہے۔ اس جماعت کی سیاسی زندگی میں کئی اُتار چڑھائو آئے ہیں حتیٰ کہ قائدین اور کارکنوں نے جانیں بھی قربان کی ہیں لیکن پارٹی نے کبھی بھی ایسا قدم نہیں اُٹھایا جس سے ملک میں انتشار اور عدم استحکام کی صورتحال پیدا ہو، نہ ہی کبھی ٹکرائو کا راستہ اختیار کیا ہے۔ پاکستان پیپلزپارٹی کی قیادت جب سے آصف علی زرداری نے سنبھالی ہے سیاست میں مفاہمت اور رواداری کی مثالیں قائم کی ہیں۔ محترمہ بینظیر بھٹو شہید کی شہادت کے فوری بعد جب میاں نوازشریف نے الیکشن کے بائیکاٹ کی بات کی تو اس سخت ترین وقت بھی آصف زرداری نے پاکستان کھپّے کا نعرہ لگایا اور نوازشریف کو الیکشن کا بائیکاٹ نہ کرنے پر قائل کیا۔ انہوں نے اپنے کارکنوں کو بھی احتجاج سے روکا اور ملکی استحکام کو نقصان پہنچنے نہیں دیا۔ اِنسانی فطرت کو دیکھا جائے تو وہ بلاشبہ آصف علی زرداری اور پیپلزپارٹی کے لئے مشکل ترین وقت تھا اس وقت بھی ملک میں استحکام کو برقرار رکھنا بڑے حوصلے، ہمت اور حُبُّ الوطنی کا مظاہرہ کرنا بہت بڑی بات تھی۔

پاکستان پیپلزپارٹی عام لوگوں کی پارٹی ہے اس لئے اس کی جڑیں عوام میں ہیں اور تمام تر اُتار چڑھائو اور مشکلات کے باوجود آج بھی عام آدمی پیپلزپارٹی کا حامی ہے۔ یہ بات بھی سب جانتے ہیں کہ جن لوگوں نے بھی پیپلزپارٹی کو چھوڑا وہ بعد میں بہت پچھتائے۔ آصف علی زرداری جب پارٹی چیئرمین بنے تو اُنھوں نے پارٹی کی مفاہمانہ پالیسیوں کو اسی طرح نہ صرف جاری رکھا بلکہ مفاہمت اور رواداری کو فروغ دیا۔ شہید ذوالفقار علی بھٹو نے ملک میں زرعی اصلاحات کے ذریعے کسانوں کی اہمیت کو تسلیم کروایا۔ مزارع اور ہاریوں کو زمینوں کے مالکانہ حقوق دیئے جن سے ان غریب مزارعین کی زندگی تبدیل ہوئی۔ کارخانوں میں کام کرنے........

© Daily Jang