پاکستان میں ہاتھ سے بنائے گئے فرنیچر کی عالمی سطح پر بہت زیادہ مانگ ہے۔ اس شعبے میں ہمارے پاس عالمی فرنیچر مارکیٹ میں اپنی شناخت بنانے کے وسیع مواقع موجود ہیں۔ تاہم اس شعبے کو تاحال وہ حکومتی توجہ نہیں مل سکی جس کی ضرورت ہے۔ اس شعبے کو درپیش مسائل کو حل کرنے کے لئے ایک دہائی قبل میں نے پاکستان فرنیچر کونسل کے نام سے ایک نان پرافٹ آرگنائزیشن تشکیل دی تھی تاکہ پاکستانی فرنیچر کو دنیا بھر میں متعارف کروانے کے ساتھ ساتھ اس شعبے کو جدید رجحانات سے ہم آہنگ کیا جا سکے۔ اس سلسلے میں پاکستان فرنیچر کونسل کے بورڈ آف ڈائریکٹرز نے اپنے حالیہ اجلاس میں دوبارہ اس بات پر زور دیا ہے کہ نئی حکومت فرنیچر کے شعبے کو صنعت کا درجہ دینے کے لیے فوری اقدامات کرے تاکہ اس شعبے کے پوٹینشل سے حقیقی معنوں میں فائدہ اٹھایا جا سکے۔ یہ شعبہ پاکستان کی معیشت کا ایک اہم جزو ہونے اور لاکھوں لوگوں کو روزگار فراہم کرنےکے باوجود طویل عرصے سے نظر انداز کیا جاتا رہا ہے۔ فرنیچر کے شعبے کو صنعت کا درجہ دینا محض علامتی اہمیت کا حامل نہیں ہے بلکہ اس اقدام کے ذریعے اس میں ترقی اور جدت کی راہیں کھولنے میں مدد ملے گی۔

فرنیچر سازی کو صنعت کا درجہ ملنے سے اس شعبے کو صنعتی شعبوں کے لیے حاصل مراعات، سبسڈیز اور معاون میکانزم تک رسائی حاصل ہو جائے گی۔ اس سے فرنیچر کے مینوفیکچررز کو ترقی کی منازل طے کرنے، جدت اختیار کرنے اور توسیع کے عمل کو فروغ دینے کے لیے ایک قابل عمل ماحول فراہم کیا جا سکے گا۔ علاوہ ازیں یہ اقدام اس شعبے میں ملکی اور غیر ملکی سرمایہ کاری کے راستے کھولے گا۔ مزید برآں صنعت کا درجہ فنانس اور کریڈٹ کی سہولتوں تک رسائی کو آسان بنائے گا، فرنیچر مینوفیکچررز کو ٹیکنالوجی کو اپ گریڈ کرنے اور پیداواری صلاحیت کو بہتر بنانے کے لیے بااختیار بنائے گا۔ عالمی مارکیٹ میں بڑھتی ہوئی مسابقت کے ساتھ، صنعت کی حیثیت سے تقویت پا کر، پاکستانی فرنیچر دنیا بھر میں ایک........

© Daily Jang