اقوام عالم کی جدید سیاسی تاریخ میں دو رہنما ایسے ہیں جنہوں نے تاریخ پر انمٹ نقوش ثبت کیے ہیں۔ ان دونوں رہنماؤں کی جدوجہد کا انداز مختلف ہے لیکن انکا نتیجہ ایک ہی ہے کہ انہوں نے اپنی قوم کو جسمانی اور ذہنی غلامی سے نجات دلائی۔ نیلسن منڈیلا 1918ء میں جنوبی افریقہ میں پیدا ہوئے۔ انہوں نے نسلی امتیاز کیخلاف جدوجہد کا آغاز کیا۔ جنوبی افریقہ کی اس وقت کی نسل پرست حکومت نے انہیں نقص امن، جلائو گھیراؤ، قتل اقدام قتل کی مختلف دفعات کے تحت مختلف سزائیں سنائی اور انہیں جنوبی افریقہ میں ہی قید کر دیا گیا جہاں انہوں نے تقریبا 27 سال قید بامشقت میں گزارے۔ اس قید کے دوران ان پر تشدد کے تمام حربے آزمائے گئے لیکن انہوں نے ''ڈیل'' کے بجائے جدوجہد کا راستہ اختیار کیا۔خود ساختہ جلاوطنی اختیار کرنے کے بجائے اپنے وطن میں ہی قید رہنے کو ترجیح دی۔ پھر انکی 27سالہ جدوجہد رنگ لائی۔ نسل پرست حکومت کا خاتمہ ہوا، اور وہ جنوبی افریقہ کے پہلے سیاہ فام صدر منتخب ہوئے۔طویل جدوجہد کی بدولت اپنی قوم کو دنیا کی صف اول کی اقوام میں لا کھڑا کیا۔دوسرے بڑے رہنما جنہوں نے عالمی سیاست پر اپنے نقوش ثبت کیے وہ ایرانی انقلاب کے بانی آیت اللہ خمینی تھے۔ آپ 1902 میں پیدا ہوئے۔ 1964 کے اواخر میں ایرانی حکومت نے امریکی شہریوں کیلئے ایک خصوصی قانون پاس کیا جس کے تحت یہ قرار دیا گیا کہ امریکی شہریوں کو ویانا کنونشن کے تحت وہ تمام حقوق حاصل ہوں گے جو عام طور پر سفارت کاروں کو حاصل ہوتے ہیں یہ قانون بنتے ہی پورے ایران میں اضطراب کی لہر دوڑ گئی اور امام خمینی نے وہ شہرہ آفاق تقریر کی جو بعد میں انقلاب ایران کا پیش خیمہ ثابت ہوئی انہوں نے اپنی تقریر میں کہا''میرا دل درد سے پھٹا جا رہا ہے میں اس قدر دل گرفتہ ہوں کہ موت کے دن گن رہا ہوں اس شخص (محمد رضا شاہ پہلوی) نے ہمیں بیچ ڈالا ہماری عزت اور ایران کی عظمت خاک میں ملا ڈالی،اہل ایران کا درجہ امریکی کتے سے بھی کم کر دیا گیا ہے اگر شاہ ایران کی گاڑی کسی امریکی کتے سے ٹکرا جائے تو شاہ کو تفتیش کا سامنا ہو گا لیکن کوئی امریکی خانساما ںشاہ ایران یا اعلیٰ ٰترین عہدے داروں کو اپنی گاڑی تلے روند ڈالے تو ہم بے بس ہوں گے، آخر کیوں؟''
اس تقریر کے بعد امام خمینی کو گرفتار کیا گیا اور پھر جلا وطن کر دیا گیا۔جلاوطنی کے دوران وہ کچھ عرصہ ترکی اور پھر فرانس میں مقیم رہے جہاں سے خطوط اور آڈیو خطابات کے ذریعے اپنی قوم کی ذہنی اور شعوری تربیت جاری رکھی یہاں تک کہ یکم فروری 1979 ءکو ایک فاتح کی حیثیت سے وہ وطن واپس لوٹے اور اپنی قوم کے روحانی و سیاسی سربراہ بنے۔بدقسمتی سے پاکستان کی سیاسی تاریخ اس طرح کے قابل فخر کرداروں سے خالی رہی ہے۔قائد اعظم محمد علی جناح کے بعد شاید ہی کوئی ایسا صاحب کردار رہنما عطا ہوا ہو جس نے اس انداز میں قوم کی رہنمائی کی ہو۔ذوالفقار علی بھٹو وہ پہلے رہنما تھے جنہیں مقبولیت حاصل ہوئی تھی اور انہوں نے سمجھوتے کے بجائے موت کو ترجیح دی۔ورنہ جس رہنما پر بھی آزمائش کا وقت آیا،تو وہ بیماریوں کا بہانہ بنا کر ملک سے فرار ہوا اور واپسی بھی کسی ڈھیل یا ڈیل کے ذریعے ہوئی۔نئے معروضی حالات میں عمران خان ایک نئے کردار کی صورت میں سامنے آئے ہیں۔ان کے بارے میں پروپیگنڈا کیا گیا تھا کہ وہ نشے کے بغیر ایک دن نہیں رہ سکتے لیکن آج انہیں سات ماہ سے زائد عرصہ ہو گیا ہے اور وہ حکومتی تحویل میں ہیں۔ انہوں نے کسی کے ساتھ کوئی ڈیل کی ہے نہ ہی بیماری کا بہانہ بنایا ہے نہ ہی ملک سے باہر جانے کو ترجیح دی ہے بلکہ وہ مسلسل اپنے موقف پر ڈٹے ہوئے ہیں اور اسی موقف کو قوم نے آٹھ فروری کے انتخابات میں وہ بے مثال پذیرائی بخشی ہے جس کی ماضی قریب میں مثال ملنا مشکل ہے۔ ان کے امیدواروں کے پاس اپنا نشان تھا نہ ہی اپنا پرچم،یہاں تک کہ اپنی جماعت کا نام بھی ان کے پاس موجود نہیں تھا۔عمران خان سمیت تمام بڑے رہنما جیلوں میں بند تھے انہیں انتخابی مہم چلانے کی اجازت تک نہ تھی اس کے باوجود تحریک انصاف کے حمایت یافتہ امیدواروں نے وہ عدیم المثال کامیابی حاصل کی جنہوں نے تمام تجزیہ نگاروں کو ششدر کر کے رکھ دیا۔اب عمران خان یہ فیصلہ کریں گے کہ جدوجہد کیلئے کون سا راستہ اختیار کرنا ہے۔ اگر انہوں نے نیلسن منڈیلا کا راستہ اختیار کیا تو وہ جتنے دن جیل میں بند رہیں گے ان کی مقبولیت میں دن بدن اضافہ ہوتا رہے گا اور وہ ایک ایسے رہنما بن کے باہر نکلیں گے جن کی مقبولیت کا مقابلہ کسی بھی انجینئرنگ کے ذریعے ممکن نہیں ہوگا اور عوام ان کی ایک آواز پر لبیک کہتے ہوئے ہر قسم کی قربانی پیش کرنے کیلئے تیار ہونگے۔ اور اگر انہوں نے بیرون ملک جانے کا راستہ اختیار کیا تو وہ خمینی کی طرح ایک ایسے شخص کی مانند واپس آئینگے جس کے سامنے ٹھہرنا ممکن نہیں ہوگا۔وہ ہر قسم کی سیاست کو خس و خاشاک کی طرح بہا کر لے جائینگے۔ دونوں صورتوں کا انتخاب تو عمران خان نے کرنا ہے لیکن جس بھی صورت کا وہ انتخاب کرینگے اسکے بعد پاکستانی قوم کیلئے ایک انقلاب کا راستہ ہموار ہوتا ہوا نظر آئیگا۔ اب اس حقیقت کا اعتراف کرلینا چاہیے کہ موجودہ بھنور سے نکلنے کی کنجی صرف ایک شخص کے پاس ہے اسکا نام عمران خان ہے۔ وہ اس قوم کو خمینی کی طرح اس آزمائش سے نکالے گا یا منڈیلا کی طرح، اسکا فیصلہ آنے والا وقت کرے گا۔
ظفر شاہ کا کہنا تھا کہ کرکٹ کھیلنے پر تینوں بچوں نے کئی بار مار کھائی ہے، سب سے زیادہ مار نسیم شاہ نے کھائی۔
اب نواز شریف اور صدر آصف زرداری فیصلہ کریں کہ آزاد کشمیر کا اگلا وزیراعظم کون ہوگا، راجہ فاروق حیدر
وزیراعظم شہباز شریف نے کہا کہ یہ کسی ایک ٹیم کی نہیں پاکستان کی جیت ہے، کرکٹ کا کھیل پوری قوم کو متحد کرتا ہے۔
پاکستان سپر لیگ میں اسلام آباد یونائیٹڈ نے ملتان سلطانز کو دلچسپ مقابلے کے بعد شکست دی اور ٹائٹل اپنے نام کیا۔
امریکی محکمہ خارجہ کے نائب ترجمان ویدانت پٹیل کا کہنا ہے کہ شہریوں کی جان کا کوئی بھی نقصان ہمارے لیے پریشان کن اور دل توڑ دینے والا ہے، یقینی بنانا چاہتے ہیں جب آپریشن کیے جارہے ہوں تو ہر ممکن اقدام کیے جائیں کہ شہری متاثر نہ ہوں۔
روس میں صدر پیوٹن ایک بار پھر صدر منتخب ہوگئے، الیکٹورل کمیشن کے مطابق صدر پیوٹن نے 87.28 فیصد ووٹوں کے ساتھ کامیابی حاصل کی، صدر پیوٹن پانچویں بار روس کے صدر بنے ہیں۔
اضافہ فروری کے فیول ایڈجسٹمنٹ کی مد میں مانگا گیا ہے۔
ان سے متعلق یہ خبریں زیرگردش تھیں کہ انکے ساتھ حادثہ 14 مارچ کو پیش آیا تھا۔
دھماکے کی آواز دور دور تک سنائی دی۔
بدقسمتی سے ہم سے پہلے سے رائے قائم کرلیتے ہیں کیونکہ ہم اقراباپروری اور اسٹاد کڈ کو حاصل سہولتوں سے متعلق سنتے رہتے ہیں، وکرانت میسے
ٹاک شو میزبان، فلم پروڈیوسر اور بالی ووڈ اداکار کے سینئیر اداکار مکیش کھنہ کا کہنا ہے کہ انھوں نے شکتی مان پروجیکٹ کی ابھی کاسٹنگ فائنل نہیں کی ہے۔
بیٹا اس وقت اپنے کیریئر پر توجہ دے رہا ہے، وہ ابھی بہت چھوٹا ہے، وہ اپنے مستقبل کی تیاری کر رہا ہے، ارباز خان
معروف بھارتی شاعر، اسکرین رائٹر، گیت نگار جاوید اختر نے اپنی پہلی شادی کے بارے میں گفتگو کرتے ہوئے کہا کہ انکی پہلی اہلیہ ہنی ایرانی سے شادی ختم ہونے کی وجہ انکی شراب نوشی تھی۔
چیئرمین پی سی بی نے کہا کہ پاکستان ٹیم کے کوچ کا اعلان ایک ہفتے میں کردیں گے۔
وزیراعظم شہباز شریف سے متحدہ عرب امارات کے سفیر حماد عبید ابراہیم نے ملاقات کی۔
اسلام آباد یونائیٹڈ کے عماد وسیم نے 5 اور اور شاداب خان نے 3 وکٹیں لے کر ملتان سلطانز کی بیٹنگ لائن کی کمر توڑی۔
login
who are we?
contact us
qosheapp
Toi Staff
Gideon Levy
Belen Fernandez
Rami G Khouri
Mort Laitner
Donald Low
Ali Fathollah-Nejad
Nikkei Editorial
visit website
