پاکستان میں صوبوں کے درمیان پانی کی تقسیم کا ایک فارمولا طے ہے، لیکن ایک خاص سوچ رکھنےوالا طبقہ اکثر اس کوشش میں رہتا ہے کہ کسی طرح سندھ کے پانی کو غصب کرکے دریائے سندھ کو ریگستان بنا دے۔ ماضی میں یہ کوششیں ہوئیں اور آج بھی جاری ہیں۔ کالا باغ ڈیم کے خلاف شہید محترمہ بینظیر بھٹو نےدھرنا دیا تھا ،لیکن اسکے باوجود بھی اسلام آباد کا بیوروکریٹ یہ سمجھتا ہے کہ اس کو سب پتہ ہے۔ یہ بیوروکریٹ سندھی ہو یا پنجابی اس سے کوئی فرق نہیں پڑتا یہ تو بس اسلام آباد پہنچ کر صرف بابو بن جاتاہے۔ ایسے ہی کچھ بابو سندھ کے پانی پر گزشتہ کئی سالوں سے نظریں جمائے ہوئے ہیں۔ ارسا ترمیمی آرڈیننس 2024ءواضح طور پر اس کی ایک زندہ مثال ہے۔ 2024ءمیں جاری کیا گیا آرڈیننس ایک ایسی حکومت نے بنایا جس کے پاس اس طرح کی قانون سازی کا سرے سے کوئی اختیار ہی نہیں تھا۔ میری سمجھ سے بالاتر ہے کہ کیوں نگراں انتظامیہ اچانک اپنے مینڈیٹ سے بہت آگے پہنچ گئی، یہ خوش آئند بات ہےاس وقت کے صدر عارف علوی نے اس آرڈیننس پر دستخط کرنے سے انکار کردیا تھا ۔ خیر گزشتہ حکومت نے جو کیا وہ کیا مگر یہ سمجھ نہیں آتی کہ وزیراعظم شہباز شریف نے ایسا کیوں کیا، یہ جانتے ہوئے بھی کہ یہ ایک سندھ دشمن اقدام ہے جس پرشدید ردعمل ہو سکتا ہے یا یہ اقدام ایک ٹیسٹ کیس تھااور قانون لانے سے پہلے ہی ایک ریٹائرڈ بیوروکریٹ کو نیا ارسا چیئرمین مقرر کردیا۔ جس پر سندھ سے ہی نہیں بلکہ دیگر صوبوں سے بھی آواز اٹھنا شروع ہوگئی۔ کم و بیش وفاقی حکومت اور مسلم لیگ نواز میں ہر شخص کو معلوم تھا کہ اس طرح کے عمل سے سندھ میں پی پی پی کی جانب سے فوری اور انتہائی........

© Daily Jang