”آج بھی آپ کو اپنے ہاں ایسے لوگ مل جائیں گے جن کا تقو ٰی کا تصور اتنا غلط ہوگیاہے کہ ایک سو چار درجے کا بخار ہے( مگر )روزہ چھوڑنے کو تیار نہیں ۔بھلے آدمیو اللہ نے تمہیں ایک رُخصت دی ہوئی ہے تو خواہ مخواہ اپنے اوپر یہ شدت کیوں لے رہے ہو ، لیکن لیتے ہیں ،روزہ چھوڑنے کو تیار نہیں ، روزہ قضا نہیں کروں گا ۔سفر پر جا رہے ہیں اور روزہ قضا کرنے کو تیار نہیں ۔ایک موقع پر ایک غزوے کے دوران ایسا ہوا کہ کچھ لوگوں نے روزہ رکھا ہوا تھا لیکن وہ اتنے، یوں سمجھیے مضمحل ہوگئے کہ جب پڑاؤ پر پہنچے تو جن کا روزہ نہیں تھا ،انہوں نے تو بڑےچاق چوبند طریقے سے خیمے نصب کیے سارا بندو بست کیا اور یہ جا کر بے سُدھ ہو کر بے ہوش کر گر پڑے تو حضورﷺ نے فرمایا اُن کو دیکھ کر’لَیْسَ مِنَ الْبِرِّ الصَّوْمُ فِی السَّفَرِ‘ ’’سفر میں روزہ رکھنا یہ کوئی نیکی کا کام نہیں ۔‘‘

یہ الفاظ ڈاکٹر اسرار احمدکےہیں، اپنے کسی خطبے میں انہوں نے یہ گفتگو فرمائی تھی ۔ڈاکٹر اسرار اُن مذہبی عالموں میں سے تھے جنہیں ہم نسبتاً قدامت پسند کہہ سکتے ہیں تاہم اُن کا کمال یہ تھا کہ وہ حق بات کہنے میں لیت و لعل سے کام نہیں لیتے تھے ، خواہ مخواہ تاویلیں نہیں دیتے تھےاور کسی ایسی بات کا دفاع نہیں کرتے تھے جس کی قران و حدیث سے سند نہ ملتی ہو۔روزے سے متعلق اُن کا بیان بھی اسی زُمرے میں آتا ہے ، جو بات اُنہوں نے کی اُس کی دلیل حدیث سے لائے ، محض اپنی رائے نہیں دی۔ڈاکٹر اسرار جیسا شخص کہہ رہا ہے کہ سفر میں روزہ رکھنے کی کوئی ضرورت نہیں بلکہ حدیث کے مطابق یہ سرے سے نیکی ہی نہیں مگر ہمارا اب یہ حال ہوگیا ہے کہ تقویٰ کے زعم میں بعض لوگ قرآن اور اس کے احکامات سے بھی آگے نکلنا چاہتے ہیں ۔جن باتوں کا اسلام نے کبھی حکم ہی نہیں دیا وہ ہم نے خواہ مخواہ اپنا لی ہیں اور جو رعایتیں ہمارے دین نے دی ہیں اُن سے فائدہ اٹھانے کو تیار نہیں ۔گزشتہ دنوں دوستوں کے ساتھ اسلام آباد جانا ہوا، جس سرکاری ریسٹ ہاؤس میں ہمارا قیام تھا وہاں نوٹس بورڈ پر لکھا تھا ’ماہ رمضان میں کچن فقط سحری........

© Daily Jang