انٹرنیشنل مانیٹری فنڈ (آئی ایم ایف) سے 70 کروڑ ڈالر قرض کی اگلی قسط حاصل کرنے اور چھ ارب ڈالر کا طویل المدت بیل آوٹ پیکج حاصل کرنےکیلئے حکومت نے بجلی اور گیس کی قیمتوں میں مزید اضافے کا فیصلہ کیا ہے۔ اس حوالے سے ابتک سامنے آنے والی اطلاعات کے مطابق بجلی کی قیمت میں پانچ سے سات روپے فی یونٹ جبکہ گیس کی قیمت میں 350روپے فی ایم ایم بی ٹی یو تک اضافے کی تجاویز زیر غور ہیں۔ یہ صورتحال اس لحاظ سے تشویشناک ہے کہ عام آدمی، کمرشل صارفین اور انڈسٹری بجلی و گیس کی قیمتوں میں مسلسل اضافے کی وجہ سے پہلے ہی شدید معاشی مشکلات کا شکار ہیں۔ ایسے میں اگر حکومت اپنی سہولت کیلئے آئی ایم ایف سے لئے گئے قرض کی ادائیگی کیلئے مزید مالی بوجھ ان پر ڈالنے کا سوچ رہی ہے تو اسے کسی بھی لحاظ سے قابل تحسین اقدام قرار نہیں دیا جا سکتا ۔ یہ صورتحال اس لحاظ سے بھی افسوسناک ہے کہ عام انتخابات سے قبل موجودہ حکومتی اتحاد بجلی کی قیمت میں کمی کے وعدے اور یقین دہانیاں کرواتا رہا ہے۔ تاہم حکومت ملتے ہی انہوں نے پھر وہی روایتی طرز حکومت ہی جاری رکھنے کو ترجیح دی ہے جس کی وجہ سے گزشتہ 76 سال سے ملک کی معیشت کھوکھلی ہو چکی ہے۔

یہاں یہ امر قابل ذکر ہے کہ گزشتہ چند سال کے دوران بجلی اور گیس کی قیمتوں میں مسلسل اضافے کی وجہ سے جہاں انڈسٹری میں کام ٹھپ ہو کر رہ گیا ہے وہیں عام آدمی کے ساتھ ساتھ صنعتکاروں اور تاجروں کیلئے بھی بجلی کے بلوں کی ادائیگی سب سے بڑا معاشی مسئلہ بن چکا ہے۔ یہ صورتحال ایک دن میں پیدا نہیں ہوئی بلکہ یہ گزشتہ تین دہائیوں کی بدانتظامی اور غلط پالیسیوں کا خمیازہ ہے جسے ہم آج بھگت رہے ہیں۔ ایسے میں اگر موجودہ حکومت بھی اس پرانی روش کو برقرار رکھنے کی پالیسی پر عمل جاری رکھتی ہے تو یہ بات یقین سے کہی جا سکتی ہے کہ بہت........

© Daily Jang