فیصل آباد میں پتنگ اڑانے کیلئے استعمال ہونے والی دھاتی ڈور گلے پر پھرنے سے ایک نوجوان کی المناک موت نے ایک طرف جہاں پورے شہر کو سوگوار کیا ہوا ہے وہیں یہ سانحہ اس اہم مسئلے پر قابو پانے کے حوالے سے انتظامیہ اور حکومت کی کوششوں پر بھی ایک سوالیہ نشان ہے۔ اگرچہ وزیر اعلیٰ پنجاب مریم نواز شریف نے اپنے والدنواز شریف کے ہمراہ اس حادثے میں جاں بحق ہونے والے نوجوان کے ورثا سے اظہار تعزیت کیلئے فیصل آباد کا دورہ کر کے بہت اچھا اقدام کیا ہے۔ تاہم ضرورت اس امر کی ہے کہ مستقبل میں ایسے اقدامات کئے جائیں کہ آئندہ کوئی شخص اس قاتل ڈور کا نشانہ نہ بنے۔

وزیر اعلیٰ پنجاب کے نوٹس لینے اور ملزموں کی گرفتاری کیلئے 48 گھنٹے کا الٹی میٹم دینے کے بعد پولیس نے بھی اس واقعہ کے مبینہ ملزم گرفتار کرنے کا دعوی کیا ہے۔ تاہم اس سانحے کے اصل ذمے دار وہ کسٹم افسران ہیں جن کی اشیر باد سے یہ دھاتی ڈور بیرون ملک سے درآمد کی جاتی ہے اور اب تک اس سے ان گنت زندگیاں ضائع ہو چکی ہیں جبکہ آئے روز کوئی نہ کوئی شہری اس کی زد میں آ کر زخمی ہو جاتا ہے۔ اسلئے اگر حکومت اس خونیں کھیل کو واقعی ختم کرنا چاہتی ہے تو اسے چاہیے کہ صرف دھاتی ڈور سے پتنگ اڑانے کے مرتکب مبینہ ملزموں کی گرفتاری تک محدود نہ رہے بلکہ اس ڈور کو فروخت کرنے والوں، اسے درآمد کرنے والوں اور اس کو کسٹم کلیرنس دینے والے کسٹم افسران کو بھی ٹریس کر کے قرار واقعی سزائیں دےتاکہ آئندہ کوئی اس گھناونے کھیل کا حصہ نہ بن سکے۔ حکومت کو یہ سمجھنے کی ضرورت ہے کہ اگر دھاتی ڈور بیرون ملک سے درآمد ہی نہ ہو سکے گی تو اس کی فروخت اور اس سے پتنگ بازی بھی ممکن نہیں رہے گی لیکن اگر ماضی کی طرح اب بھی سارا زور پتنگ اڑانے والوں کی گرفتاریوں تک محدور رہا تو یہ بات دعوے سے کہی جا سکتی ہے........

© Daily Jang