بھارت آنے والے دنوں میں عام انتخابات کے مرحلے سے گزرنے والا ہے۔19اپریل سے یکم جون 2024ء تک بھارتی لوک سبھا کے انتخابات کے نتائج کا اعلان 4جنوری 2024ء کو ہوگا۔ ان انتخابات میں موجودہ وزیراعظم نریندر مودی مسلسل تیسری بار وزارت عظمیٰ کے امیدوار ہونگے۔ایک ارب 40 کروڑ کی آبادی میں سے قریبا 96 کروڑ شہری انتخابات میں ووٹ ڈالیں گے۔تاریخی طور پر دیکھا جائے تو شاید ہی بھارتی انتخابات پاکستان کے ذکر کے بغیر مکمل ہوئے ہوں۔جبکہ پاکستان کی سیاسی جماعتوں اور عوام کے سیاسی شعور کا یہ عالم ہے کہ حال ہی میں ہونیوالے عام انتخابات کی پوری مہم کے دوران کسی بھی سیاسی جماعت نے بھارت کا ذکر تک نہیں کیا۔ جبکہ نریندر مودی 2014ءسے پاکستان مخالف عزائم رکھتے ہیں اور وہ مسلسل ایسے اقدامات کرتے آئے ہیں جس سے پاکستان کی سلامتی خطرات سے دوچار ہوئی ہے۔ 2019ء کے عام انتخابات میں بھی بھارتی رہنماؤں نے پاکستان کیخلاف مسلسل زہر اگلا تھا اور پاکستان دشمنی کی بنیاد پر ہی ووٹ حاصل کیے تھے۔ یوں لگتا ہے کہ اس مرتبہ بھی مودی حکومت کی حکمت عملی یہی ہے کہ اپنی کرپشن کی کہانیوں پر پردہ ڈالنے کیلئے وہ پاکستان دشمنی کے بخار میں پوری قوم کو مبتلا کرنا چاہتے ہیں۔ اس تاثر کو اس وقت مزید تقویت ملی جب برطانوی اخبار گارجین نے باقاعدہ اسٹوری شائع کی کہ بھارت،پاکستان کے اندر 20 لوگوں کے قتل میں ملوث ہے۔ برطانوی اخبار کے مطابق بھارت نے پاکستان میں 20 افراد کے قتل کے باقاعدہ احکامات دیے اور انہیں مودی سرکار نے منصوبہ بندی کے تحت قتل کرایا۔ پاکستانی حکومت نے 2019ء کے بعد کی قاتلانہ کارروائیوں کے دستاویزی ثبوت بھی بھارت کو فراہم کیے ہیں جن سے یہ بات واضح ہوتی ہے کہ اس طرح کی کارروائیوں میں ملوث ’’را‘‘ کو براہ راست بھارتی وزیراعظم کا آفس کنٹرول کرتا ہے۔ پاکستانی میڈیا نے اس خبر کے حوالے سے تحقیق کی تو پتہ چلا کہ پاکستان نے 25جنوری کو بھارتی حکومت کو پاکستان میں ماورائے عدالت اور سرحد پار قتل کرنے کی کارروائیوں کے ثبوت فراہم کیے تھے۔پاکستان کے سیکرٹری خارجہ سائرس قاضی نے دستاویزات........

© Daily Jang