جماعت اسلامی ہمارے ملک کی ایک منظم سیاسی و مذہبی تنظیم قرار دی جاتی ہے جس کی بنیاد مولانا مودودی نے 26 اگست 1941ء کو متحدہ ہندوستان کے اسی شہر لاہور میں رکھی اور وہ اس کے پہلے امیر چنے گئے۔ پارٹیشن کے حوالے سے بھی جماعت اور مولانا صاحب کا اپنا ایک مخصوص نقطہ نظر تھا جو اگر پوری طرح کانگریس کے حق میں نہیں تھا تو لیگ سے بھی مطابقت نہیں رکھتا تھا ۔ مولانا کھلے بندوں یہ فرماتے تھے کہ لیگ کے ادنیٰ کارکن سے لے کر اس کے قائد تک کے کردار میں خورد بین کے ذریعے بھی تلاش کریں تو اسلام کی کوئی رمق یا چھینٹ تک دکھائی نہیں دے گی، ایسی صورت میں جو ملک بنے گا وہ مسلمانوں کی کافرانہ ریاست ہوگی، انہوں نے اس کے لئے ’’ناپاکستان‘‘ کی اصطلاح بھی استعمال فرمائی تھی۔ مولانا کے یہ خدشات قطعی لایعنی و بے بنیاد نہ تھے۔‎خونریز ی کا طوفان برپا کرتے ہوئے جب پارٹیشن ہوگیا تو حضرت مولانا نے اس مملکت کو کلمہ شریف پڑھانے کے لئے ’’شوکت اسلام‘‘ کا پرچم تھام لیا۔ جماعت اسلامی اگرچہ بظاہر جمہوریت کی دعویدار و علمبردار رہی ہے لیکن عوامی اعتماد کے حصول میں ہمیشہ بری طرح ناکام ثابت ہوئی ہے۔ ابتدائی برسوں میں ہی جماعت کے اندر ایک بحران اس ایشو پر پیدا ہوگیا تھا کہ جماعت کو انتخابی سیاست کرنی چاہیے یا محض اعلائے کلمۃ اللّٰہ کے لئے دعوتی و تبلیغی مشن اپنانا چاہیے۔ اس تنازعے میں جماعت کے بڑے بڑے اکابرمثلاً مولانا امین الدین اصلاحی اور ڈاکٹر اسرار احمد جیسی شخصیات اس سے الگ ہوگئی تھیں۔ ’’تعبیر کی غلطی‘‘ کے ایشو پر مولانا وحید الدین خان صاحب نے بھی اپنی راہ الگ فرما لی تھی۔‎قیام پاکستان کے بعد 1970ء میں منعقد ہونے والے پہلے قومی انتخابات میں جماعت نے اپنے بانی........

© Daily Jang