گزشتہ روز ایک دوست سے گپ شپ ہوئی ، دورانِ گفتگو اُس نے ایک بڑا دلچسپ جملہ بولا ، اُس نے کہاکہ پاکستان وہ ملک ہے جہاں خوشی منانا قابل دست اندازی جرم ہے ۔میں نے پوچھا وہ کیسے تو کہنے لگا کہ ہمارے ملک میں نیو ائیر نائٹ پر پولیس رات گیارہ بجے ریستوران اور کیفے بند کروا دیتی ہے ۔مجھے اِس بات میں کچھ غلو کا شائبہ ہوا تو اُس نے وضاحت کی کہ دو سال پہلےلاہور کے ایک کیفے نے نیو ائیر نائٹ کا بس اتنا اہتمام کردیا کہ موسیقی اونچی آواز میں لگا کر پارٹی کا ماحول بنا دیا، پولیس آئی اور اُس نے نہ صرف وہ کیفے بند کردیا بلکہ آس پاس کے ریستورانوں میں کام کرنے والوں کوبھی اٹھا کر لے گئی اوریوں نئے سال کی پہلی رات اُن غریبوں نے تھانے میں گزاری ۔مجھے یہ واقعہ سن کر زیادہ حیرت نہیں ہوئی کیونکہ نئے سال کا استقبال ہم اسی قسم کی احمقانہ حرکتوں سے کرتے ہیں کہ نیو ائیر پارٹی نہیں ہونے دیتے اورکیفے بارہ بجے بند کروا دیتے ہیں۔گویا کانگو سے لے کر نیو یارک تک اور آسٹریلیا سے لے کر دبئی تک ، دنیا کے تمام نارمل ممالک جس طرح نئے سال کی آمد پر جشن مناتے ہیں ، ہم وہ جشن بھی آزادی سے نہیں منا سکتے ، بلکہ اُلٹا اگر کوئی خوشی منانے کی کوشش کرے تو اسے پکڑ کر بند کردیتے ہیں، دنیا کا کوئی اور ملک ،اسلامی یا غیر اسلامی، ایسی بھونڈے اقدامات نہیں کرتا۔اِس قسم کے اقدامات کے حق میں ایک دلیل یہ بھی دی جاتی ہے کہ اگر لوگوں کوکھلی چھوٹ دے دی جائے تو وہ شراب پی کر غُل غپاڑہ کریں گے اوردوسروں کی ماؤں بہنوں کو چھیڑیں گےجو کسی طور بھی قابل قبول نہیں لہٰذا اِس پر پابندی ہونی چاہیے۔

ویسے تو اِن تمام دلائل پر بحث ہو سکتی ہے مگر ہم بحث میں پڑے بغیر یہ فرض کرلیتے ہیں کہ یہ سب باتیں درست ہیں ۔پھر سوال یہ ہوگا کہ خوشی منانے یا تفریح کرنے کا شرعی طریقہ کیا ہے ؟نیو ائیر نائٹ پر تو سرخ نشان لگ چکا، موسیقی بھی جائز نہیں ، بسنت جب منائی جاتی تھی تو اسے........

© Daily Jang