روایت ہے کہ کمزور اور خود داری سے عاری لوگ کسی طاقتور شخص کے پالتو کتے کو پتھر مارنا تو درکنار، جھڑکنے کی جرات بھی نہیں کرسکتا لیکن اس سپر پاور کے "بالکے" کو خودسری کے جواب میں تھپڑ رسید کرنا واقعتاً جرات اور بہادری کا اعلیٰ درجہ قرار دیا جاسکتا ہے کیونکہ یہ تھپڑ اس "بالکے" کے منہ پر نہیں بلکہ اس طاقتور کے چہرے پر رسید ہوا جس کی شہ پر یہ بالکا دنیا بھر میں فتور اور تباہی مچا رہا ہے۔ یہی ایران کی غیور قوم نے کیا کہ اس "بالکے" کو زناٹے دار تھپڑ مار کر اس کے "آقا"کو پیغام دیا کہ ہر سوراخ میں انگلی ڈالنا اس کے لئے بڑے نقصان کا باعث بھی بن سکتا ہے۔ ایران نے اپنے اس اقدام سے صرف ایران کا ہی نہیں، پورے عالم اسلام کا سر فخر سے بلند کردیا جبکہ باقی تمام "محکوم" اسلامی ممالک اپنی اپنی مجبوریوں کو دامن میں سمیٹے ذہنی الجھاؤ کا شکار ہیں کیونکہ انہیں حکومت کی اسرائیل دوست پالیسی کے ردعمل کے طور پر عوام کی جانب سے شدید تنقید کا سامنا ہے۔دوسری جانب تحریک انصاف کو ماننے والے عوام جوغزہ میں اسرائیل کی جانب سے جاری نسل کشی کی مہم کے خلاف غزہ کی عوام کے ساتھ کھڑا ہونا چاہتے ہیں لیکن پی-ٹی-آئی کی قیادت کی جانب سے اختیار کی جانے والی پراسرار اور معنی خیز خاموشی اور بے حسی پر ندامت اور پشیمانی کا شکار ہیں۔پارلیمان کی تاریخ میں شائد یہ پہلا موقع ہے جب پارلیمنٹ کے مشترکہ اجلاس سے صدر مملکت کے خطاب کے دوران صدر کے بارے میں غیر پارلیمانی اور غیر مہذب رویہ اختیار کرنے کی پاداش میں سپیکر قومی اسمبلی نے پی-ٹی-آئی کے دو ارکان قومی اسمبلی جمشید دستی اور جاوید اقبال کی رکنیت عارضی طور پر معطل کردی جن کو پارٹی کے بعض ارکان کی جانب سے پارٹی قائد کی خواہش کے مطابق عمل کرنے پر خراج تحسین پیش کیا گیا۔ناقدین کا موقف ہے کہ تحریک انصاف کی قیادت نے ہر جنرل الیکشن کے نتائج تسلیم کرنے سے انکار کیا سوائے 2018 کے نتائج کے کیونکہ ان انتخابات میں دھاندلی یا رد و بدل تحریک انصاف کو اقتدار میں لانے کے لئے ہی ہوئی تھی۔ 35 پنچروں کے خودساختہ بیانیہ کو سوشل میڈیا پراس قدر پھیلایا گیا کہ یہ تحریک کی صورت اختیار کر گیا اور عوام اس جھوٹ کو سچ سمجھنے لگے لیکن اگلے انتخابات سے قبل عمران خان نے سرعام یہ تسلیم کیا کہ 35پنچروں والا بیانیہ "سیاسی سٹنٹ" تھا۔2018کے انتخابات میں عمران خان نے اعلانیہ اسٹبلشمینٹ کا کندھا استعمال کیا اور کھلی دھاندلی کے ذریعے اقتدار حاصل کیا لیکن غلط سیاسی حکمت عملی کے نتیجے میں عدم اعتماد منظور ہونے پر اقتدار کھو دیا لیکن تحریک عدم اعتماد کی کارروائی کے دوران یہ تحریک رکوانے یا مسترد کرانے کے لئے سپیکر اور ڈپٹی سپیکر کے ذریعے آئین کی دھجیاں بکھیریں لیکن کامیابی نصیب نہیں ہوئی توسیاسی اور آئینی بحران پیداکرنے کے لئے پنجاب اور خیبرپختون خواء اسمبلیاں تحلیل کر دیں جس کے بعد پارٹی کے قومی اور صوبائی اسمبلیوں کے ارکان نے استعفے دے دئیے جس کا نقصان تحریک انصاف کو ہوا کیونکہ تحریک انصاف ہرطرح سے اسمبلیوں سے باہر ہوگئی۔2024کے انتخابات میں فارم 45 اور 47 کا شوشہ پوری شدومد سے چھوڑا کیا کے خاطرخواہ نتائج برآمد نہیں ہوئے۔ الزامات، بحران اور شورش کی سیاست، عوام میں بے چینی قائم رکھنے بشریٰ بی بی کو زہر دئیے جانے کے الزام کی سستی اور غیر اخلاقی سیاسی بلیک میلنگ کا سلسلہ طویل عرصہ تک جاری رہا لیکن عدالت کی جانب سے مکمل چیک اپ کے حکم پر خاموشی طاری ہو گئی۔جس کے نتیجے میں بشریٰ بی بی کے ذاتی معالج سمیت تین ڈاکٹروں کی نگرانی میں ان کا تفصیلی میڈیکل چیک اپ اور ٹیسٹ ہوئے لیکن زہر دئیے جانے کے الزامات کی تصدیق نہ ہوسکی اور رپورٹیں اور ٹیسٹ کلیئر قرار دئیے جانے کے بعد بشریٰ بی بی نے طبی معائینہ شوکت خانم کینسر ہسپتال سے کرنے کی کا مطالبہ کردیا۔سیاسی سیانے کہتے ہیں کہ تحریک انصاف کو باہر سے کوئی نقصان نہیں پہنچا سکتا لیکن اس پارٹی میں اتنی دراڑیں پڑ چکی ہیں اس کی پر شکوہ عمارت کسی وقت بھی زمیں بوس ہو کر ٹکڑوں میں بکھرسکتی ہے کیونکہ پارٹی قائد نے اپنی "حاکمیت" قائم رکھنے کے لئے غیرسیاسی اور حقائق کے منافی فیصلے کر کے پارٹی کی تنظیمی ڈھانچہ میں دراڑیں ڈالنے کی بنیاد رکھ دی اور پرانی اور نظریاتی قیادت کو نظرانداز کرکے پارٹی کی باگ دوڑ نئے شامل ہونے والے وکلاء کے سپرد کردی جو باہمی اختلافات اورتقسیم کا باعث بن رہی ہے۔جبکہ پارٹی کا دوسرا عہدہ وراثت میں آمرانہ سوچ رکھنے اور اب جمہوری روایات کے علمبردار عمر ایوب خان کے حوالے کردیا جس کے دادا وقت کے آمر جنرل ایوب خان نے اپنے اقتدار کو دوام دینے کے لئے محترمہ فاطمہ جناح کو غدار قرار دے کر قومی جرم کا ارتکاب کیا تھا! کیا جمہوریت کا لباس زیب تن کرنے والی عمر ایوب اپنے دادا چیف ماشل لاء ایڈمنسٹرٹرجنرل ایوب خان کے اس اقدام کی مذمت کر سکتے ہیں؟ یا ان کے نزدیک وقت اور حالات کے مطابق سیاسی نظریات یا عقائد تبدیل کرنا جائز فعل ہے۔
سینئر صحافی اور روزنامہ جنگ کے ادارتی صفحے کے انچارج سید حیدر تقی انتقال کر گئے۔
وزیراطلاعات پنجاب عظمیٰ بخاری نے کہا ہے کہ مریم نوا زکی کارکردگی کا جادو سرچڑھ کر بول رہا ہے۔
داؤد ابراہیم اس کام کے لیے کسی ماہر پرفارمر کا انتخاب کریں گے، لیکن یہی فیک نیوز کی دنیا ہے، ٹوئنکل کھنہ
الیکشن کمیشن آف پاکستان (ای سی پی) کے الیکشن مینجمنٹ سسٹم( ای ایم ایس) پر فارم 45 اپلوڈکیے جارہے ہیں۔
رفح میں اسرائیلی حملے سے شہید حاملہ خاتون کی بچی کو ڈاکٹروں نے بچا لیا، شہید ہونے والی حاملہ خاتون کی نومولود بچی کی حالت بہتر بتائی جارہی ہے۔
مسلم لیگ (ن) کے وزراء نے پارٹی امیدواروں کو ضمنی الیکشن میں کامیابی پر مبارک باد دے دی۔
وفاقی وزیر اطلاعات و نشریات عطا تارڑ نے کہا ہے کہ عوام نے آج تحریک انصاف (پی ٹی آئی) کے بیانیے کو مسترد کردیا۔
ایم کیوایم کے اراکین قومی وصوبائی اسمبلی کا پاکستان ہاؤس کراچی میں اجلاس ہوا۔ کنوینئر ایم کیوایم پاکستان ڈاکٹر خالد مقبول صدیقی نے اجلاس کی صدارت کی۔
وزیراعلیٰ پنجاب کے معاون خصوصی برائے سیاسی امور ذیشان ملک نے کہا کہ پنجاب کے عوام نے مریم نواز کی کارکردگی پر اعتماد کا اظہار کر دیا۔
پنجاب اسمبلی کے حلقے پی پی 32 گجرات 6 پر مسلم لیگ (ق) کے موسیٰ الہٰی نے سابق وزیراعلیٰ اور سنی اتحاد کونسل کے امیدوار چوہدری پرویز الہٰی کو شکست دے دی۔
کراچی میں بانی تحریک انصاف ( پی ٹی آئی) عمران خان کی رہائی کےلیے ریلی نکالی گئی۔
روس کی امن فورسز نگورنو کاراباخ ریجن سے نکل گئیں، ماسکو سے کریملن نے بھی رواں ہفتے اس بات کی تصدیق کی تھی کہ امن فورسز علاقے سے انخلا کر رہی ہیں۔
پاکستان تحریک انصاف (پی ٹی آئی) کے مرکزی رہنما شیر افضل مروت نے کہا ہے کہ کراچی میں ہم سے مینڈیٹ چھین کر متحدہ قومی موومنٹ (ایم کیو ایم) کو تھمادیا گیا۔
وزیراعلیٰ پنجاب مریم نواز نے کہا ہے کہ نارووال میں ن لیگی کارکن کے قاتلوں کو گرفتار کرلیا گیا ہے۔
پاکستان نے نیوزی لینڈ کو جیت کےلیے 179 رنز کا ہدف دیا جو اس نے 19ویں اوور میں حاصل کیا۔
ضمنی انتخابات میں مسلم لیگ ن نے میدان مار لیا، غیر سرکاری اور غیر حتمی نتائج کے مطابق ن لیگ نے قومی اسمبلی کی 5 میں سے 2 اور صوبائی اسمبلیوں کی 16 میں سے 10 نشستیں جیت لیں، پیپلزپارٹی ،سنی اتحاد کونسل، استحکام پاکستان پارٹی اور مسلم لیگ ق صوبائی اسمبلیوں کی ایک ایک نشست پر کامیاب ہوئی ہے۔
login
who are we?
contact us
qosheapp
Toi Staff
Gideon Levy
Belen Fernandez
Rami G Khouri
Mort Laitner
Donald Low
Ali Fathollah-Nejad
Nikkei Editorial
visit website
