راقم نے کئی بازاروں میں اکثر یہ اشتہار دیکھا ہے کہ ہمارے پاس انڈین باجرے کا بیج دستیاب ہے. ہمارے ملک میں جب پیاز کم پڑھ جاتے ہیں تو پھر ہم بھارت سے پیاز درآمد کرتے ہیں سنا ہے کہ کیلے بھی بھارت سے منگوائے جا رہے ہیں جنوبی پنجاب کے اندر ترکش ٹماٹر کا بیج بہت مقبول ہے مقبول سیاستدانوں کا ٹھکانہ تو جیل یا جلاوطنی میں ہوتا ہے لیکن غیر ملکی مقبول اشیاء کی بازاروں میں بہت مانگ ہے) ٹماٹر ایران سے بھی درآمد ہو رہے ہیں آج کل یہ خاکسار اپنے شہر کی نرسریوں کے باہر بورڈ پر لکھا پڑھتا ہے. کہ ہمارے پاس امریکن، کورین اور ڈھاکہ کی گھاس دستیاب ہے. ویسے تو اس ملک میں دواوئں سے لیکر میک اپ تک، کپڑوں سے لیکر برتنوں تک، الیکٹرانک اشیاء سے لیکر گاڑیوں تک سب کچھ بیرون ممالک سے ہی درآمد ہوتا ہے،لیکن جب ہم سوچتے ہیں کہ یہ ملک بہترین موسمیات کے ساتھ زرعی ملک ہے. ہمارے پاس محکمہ زراعت بھی ہے جس کا بجٹ بھی کروڑوں بلکہ اربوں میں ہے. ہمارے پاس ہاوسنگ سوسائیٹیوں سے بچی ہوئی زمین بھی ہے تو پھر ہم دہلی اور ڈھاکہ کے محتاج کیوں ہیں؟

راقم کا مسئلہ یہ ہے کہ جب بھی کوئی چیز مشاہدے میں آتی ہے.یا کہیں کوئی خرابی نظر آتی ہے تو اس پر سوچنا شروع کر دیتا ہوں ممکن حد تک کھوج لگانے کی کوشش بھی کرتا ہوں. اسی حوالے سے میں نے محکمہ زراعت کے ایک ریٹائرڈ سنئیر آفیسر سے ایک نشت رکھی تاکہ معلوم کیا جا سکے کہ ہمارا محکمہ زراعت........

© Daily Pakistan (Urdu)