تاریخ نگاری کیا ہے اور اِس کی کونسی جہتیں سب سے اہم ہیں؟ ڈاکٹر مبارک علی اور پروفیسر خرم قادر تو تاریخ سے وہی تحریری ریکارڈ مراد لیں گے جو امکانی حد تک مستند ذرائع سے ہم تک پہنچا ہو۔ کرکٹ ورلڈ کپ دیکھنے والوں کے لیے البتہ ایک تاریخ اُن واقعات کی بھی ہوتی ہے جو ہمارے سامنے رونما ہوئے یا جن کے اثرات کا تسلسل دیرپا نقوش چھوڑ گیا ۔ میرا تعلق آزاد پاکستان کی پہلی نسل سے ہے۔ چنانچہ چار پانچ سال عمر کی جو یادیں حافظے میں رہ گئیں اُن میں سماعت سے ٹکرانے والا ایک مخصوص جملہ بھی ہے۔ یہی کہ مسلمانوں نے پیسہ نہیں دیکھا تھا ، اب پاکستان بننے پر پیسہ دیکھا ہے تو دماغ خراب ہو گئے ہیں ۔ پاکستان بننا ، پیسہ دیکھنا ، دماغ خراب ہو جانا ، یہ کیا ہوتا ہے ؟ ورلڈ کپ کی طرح اُس وقت یہ انہونی باتیں ٹھیک ٹھیک میری سمجھ میں نہیں آتی تھیں ۔

پیسہ تو شاید نو دولتیا پن کا اشارہ ہو مگر یہ لفظ سُن کر ذہن میں بس موری والے پیسے کا تصور ابھرتا ۔ تانبے کا قدرے سرخی مائل گول سکہ جس کے بیچ میں بڑا سا سوراخ ہوتا اور سائیڈ پر برطانوی کراﺅن کے نیچے 1935ءکا اُبھرا ہوا ہندسہ۔ تو کیا مسلمانوں نے یہ سکہ پہلے کبھی نہیں دیکھا تھا ؟ اچھا ، نہیں دیکھا ہو گا ۔ مگر دماغ خراب ہونا کسے کہتے ہیں ؟ ایک روز سُنا کہ ہمارے رشتہ کے پھوپھی زاد بھائی نعیم کا دماغ خراب ہو گیا ہے اور وہ ہاتھ میں چھری لے کر لوگوں کے پچھے بھا گتا ہے ۔ تو کیا سب کے اندر کا نعیم باہر نکل آیا تھا؟ زیادہ حیرت پاکستان بننے کا سُن کر ہوتی۔ پہلے خیال آتا کہ ارد گرد کی گلیاں اور مکان نئے بنے ہیں اگر نئے ہیں تو سیالکوٹ میں خواجہ صفدر کے گھر سے آگے نیم پختہ سڑک پر سارے گھر جلے ہوئے کیوں تھے؟

یہ تھی شہر کی صورتحال ۔ خود........

© Daily Pakistan (Urdu)