ذہن ایک وقت میں بہت سے موضوعات میں الجھا ہوا ہے محکمہ صحت نارووال میں پولیو ڈیوٹی میں ہونے والی بے ضابطگیوں پر لکھنا چاہتا ہوں جس کے بارے مختلف اخبارات میں پڑھا ہے، جس میں محکمہ صحت کے ضلعی افسروں کی ملی بھگت کا سنتے ہیں، لیکن نہیں لکھا جارہا۔

لاہور کے علاقے چوہنگ میں قتل کی لرزہ خیز واردات پر لکھنے کا چاہا جس میں کم عمر ڈرائیور کو بچانے کے لئے ساتھیوں کی فائرنگ سے سعودی پلٹ میڈیکل کی طالبہ جاں بحق ہو گئی اس پر بھی نہیں لکھا گیا۔

کراچی راشد منہاس روڈ پر شاپنگ مال میں لگنے والی آگ نہ جانے کتنے دلوں تک پھیلی جس کی وجہ بشارٹ سرکٹ بتائی گئی، عمارت میں آگ بجھانے کے آلات اور ایمرجنسی اخراج نہیں تھا اور عمارت کا نقشہ غیر قانونی طریقے سے پاس کیا گیا تھا۔ عمارت کی تعمیرات میں ناقص میٹریل بھی استعمال ہوا، کے الیکٹرک اور فائر بریگیڈ نے ناقص میٹریل کے باوجود این او سی جاری کیا۔اس سانحے میں 11 افراد جاں بحق اور متعدد زخمی ہوئے۔ اس پر بھی لکھنا لازم ہے کہ دنیا میں دکانیں مارکیٹیں کسی اصول کسی ضابطے پر بنتی ہیں تاکہ لوگ حادثات سے محفوظ رہیں، لیکن اس آگ سے بڑی آگ جس نے ارض مقدس فلسطین کو اپنی لپیٹ میں لے رکھا ہے وہ آگ آتش دوزخ سی ہے کہ جو روز بروز بڑھتی اور بھڑکتی جاتی ہے میں اس آگ کی تپش کو اپنے دِل میں محسوس کررہا ہوں ٹی وی چینلز اور سوشل میڈیا پر گرتے پڑتے جلتے مرتے معصوم بچوں کے وڈیو کلپس دیکھتا ہوں تو آنکھیں بند کرلیتا ہوں کہ میں یوں تو شیر کے منہ ہاتھ ڈال سکتا ہوں، لیکن چھوٹے سے فلسطین اور نہتے فلسطینیوں پر ایسا ظلم ہوتا نہیں دیکھ سکتا اسرائیلی غنڈے فلسطین کو نیست و نابود کردینے کے درپے ہیں یہ تو عام........

© Daily Pakistan (Urdu)