نگران وزیر اعلیٰ پنجاب سید محسن نقوی کو محسن پنجاب کہا جائے تو بے جا نہ ہو گا۔ یوں تو نگران سیٹ اپ ہر صوبے میں ہے لیکن پنجاب میں اس کی شان نرالی ہے کیونکہ یہاں کے نگران وزیر اعلیٰ محسن نقوی ہیں۔ کسی بھی دوسرے صوبے میں نگران وزیر اعلیٰ اس طرح متحرک نہیں ہیں جس طرح محسن نقوی ہیں بلکہ ان کی کارکردگی دیکھ کر تو واقعی شک گزرنے لگتا ہے کہ ملک میں عام انتخابات واقعی التوا کا شکار ہونے جا رہے ہیں کیونکہ اگر ملک کے سب سے بڑے صوبے کا نگران سیٹ اپ اس قدر اعلیٰ کام کر رہا ہے تو کیا ضرورت ہے کہ ایم این ایز اور ایم پی ایز کا جھنجھٹ پالا جائے اور جو وسائل اس وقت صوبے کی ترقی پر لگ رہے ہیں، وہ ترقیاتی سکیموں کی آڑ میں عوام کے ’منتخب‘ نمائندوں کو سیاسی رشوت دے کر ضائع کئے جائیں۔

چونکہ محسن نقوی وزیر اعلیٰ سے پہلے صحافی ہیں اور اس ناتے ہمارے پیٹی بھائی ہیں اس لئے ان کے کام کی رفتار سے جل کر ہم نے دو ہفتے قبل ''محسن سپیڈ'' کے عنوان سے ایک عدد کالم لکھ مارا اور اتنی سپیڈ سے لکھا کہ پتہ ہی نہیں چلا کہ معاملہ کس طرف نکل گیا، وہ تو تب پتہ چلا جب ہمیں چودھری خادم حسین کا فون موصول ہوا کہ ’بھائی جی، کیہ کری جا رہے او‘۔

محسن نقوی کی شخصیت کا ایک جائزہ لیا جائے تو پتہ چلتا ہے کہ وہ اپنی دھن کے پکے آدمی ہیں اور اس سے بھی بڑھ کر یہ کہ نئے نئے آئیڈیاز کے........

© Daily Pakistan (Urdu)