انسانی حقو ق اور مغربی منافقت
دس دسمبر بروز اتوار پوری دنیا میں انسانی حقوق کا عالمی دن منایا گیا اور انسانی حقوق کے عالمی دن کے موقع پر مغربی رہنماؤں نے اپنے بیانات بھی جاری کئے،کیونکہ مغرب انسانی حقوق کے معاملات پر بڑا واویلا کرتا ہے اور دنیا کو جتلاتا ہے کہ مغرب کے سوا پوری دنیا انسانی حقوق سے نا بلد تھی یہ مغرب ہی ہے جس نے دنیا کو انسانی حقوق کا ایک دن دے کر انہیں بھی اس دن کی اہمیت کا احساس دلایا ہے اور اگر میں یہ کہوں کہ مغرب کا دعوی ہے کہ اس نے دنیا کو انسانی اقدار اور انسانی حقوق سے متعارف کرایا اور دنیا میں خصوصاً پسے ہوئے طبقے اور ایشیا افریقہ کے ممالک میں تیسری دنیا جسے کہا جاتا ہے اسے شعور بخشا ہے تو شاید میں غلط نہ ہوں گا۔مغرب اس دعوے کے ساتھ پوری دنیا میں انسانی حقوق کی خلاف ورزی کرنے میں مصروف ہے۔ مغربی ممالک کا یہ وتیرہ رہا ہے کہ کسی بھی ملک پر دباؤ ڈالنے کے لئے اسے انسانی حقوق کا دشمن قراردے دیتے ہیں۔ ہم عالمی سطح پر جائزہ لیں تو اقوام متحدہ بھی اب مغربی ممالک کی چاکری میں مصروف ہے۔ وجہ یہ ہے کہ اقوام متحدہ کا انتہائی اہم اور موثر ترین ادارہ سلامتی کونسل ہے اور سلامتی کونسل وہ ادارہ ہے جس کا کوئی بھی فیصلہ مغرب کے تین مماک امریکہ، روس اور برطانیہ کی مرضی یا منظوری کے بغیر نہیں ہوتا یہی وجہ ہے کہ اسرائیل اور بھارت آئے دن انسانی حقوق کی خلاف ورزیاں کر رہے ہیں، لیکن اقوام متحدہ چاہ کر بھی کچھ نہیں کر رہا۔........
© Daily Pakistan (Urdu)
visit website