یہ مذاق شروع کس نے کیا تھا؟
ہمارے دوست محمد سلیم خاص مزنگ کے رہائشی ہیں اور ایک زمانے تک نواز شریف کے ووٹر سپورٹر رہے ، تاہم جب سے 9 مئی ہوا، اس کے بعد عمران خان کو مظلوم جان کر ان کے ہمدرد بن گئے ہیں اور سمجھتے ہیں کہ جب بھی انتخابات ہوں گے عمران خان ہمدردی کا ووٹ لے جائے گا، اسی طرح وہ 16 ماہ کی پی ڈی ایم کی حکومت کو مہنگائی کا زمہ دار سمجھتے ہوئے جب بھی ملتے ہیں، نون لیگ سمیت پی ڈی ایم کی جماعتوں کو کوسنے سے نہیں چوکتے۔ وہ عمران خان کو اس حد تک مظلوم سمجھتے ہیں کہ اب خود مظلوم لگنے لگے ہیں۔محمد سلیم کبھی بتاتے ہیں کہ پیاز دو سو روپے کلو ہو گیا ہے تو کبھی مرغی کی قیمت میں اضافے کا رونا روتے ہیں۔ کبھی تیل کی قیمت کا رونا روتے ہیں تو کبھی پٹرول، بجلی اور گیس کی قیمتوں میں ہوشربا اضافے پر نون لیگ اور نواز شریف کے مداحوں کو ہدف تنفید بنانا ان کی روزمرہ روٹین بن چکی ہے۔
پکڑ دھکڑ بند کر کے لیول پلیئنگ فیلڈ دی جائے،الیکشن لڑنے کے لئے قانونی حکمت عملی تیار کر لی: پرویز الٰہیمحمد سلیم کی باتیں سن سن کر ہمارے تو اوسان خطا رہتے ہیں اور سوچتے ہیں کہ اگر واقعی مزنگ کا ہر رہائشی اسی انداز میں سوچتا ہے تو پھر تو واقعی لاہور نون لیگ کا قلعہ نہیں رہا ہے۔
حال ہی میں عمران خان کی طرز پر نواز شریف نے اقتدار میں آئے بغیر قوم سے خطاب کیا تو محمد سلیم پھر چڑھ دوڑے، آتے........
© Daily Pakistan (Urdu)
visit website