ناں عمران خان کی طرح مخالفین کوگالیاں دینے کا شوق ناں بلاول بھٹو ایسا اقتدار کے لئے اوتاولا پن، ناں آصف زرداری کی طرح ایک کے بعد ایک انٹرویو اور ناں صبح و شام قوم سے خطاب، نواز شریف ایسے کیوں ہو گئے ہیں؟ ان کا حال تو یہ ہے اس کے باوجود کہ وہ وزارت عظمیٰ کے مضبوط امیدوار سمجھے جا رہے ہیں، کسی ٹی وی چینل یا کسی جغادری صحافی کو ابھی تک ایک انٹرویو نہیں دیا ۔ گزشتہ دنوں ایک سنیئر صحافی،جو ہر اعلیٰ سے اعلیٰ سرکاری و غیر سرکاری تقریب کا لازمی حصہ ہوتے ہیں، سے پوچھا کہ کیا ان کی نواز شریف سے ملاقات ہوئی ہے تو کہنے لگے کہ ابھی تک نہیں ہوئی ہے۔ پھر پوچھا کہ آیا کسی اور نامور اور سنیئر صحافی کی ملاقات ان کے علم میں ہے تو اس پر بھی نفی میں سر ہلاتے ہوئے کہنے لگے کہ لگتا ہے کہ نواز شریف صحافیوں سے نالاں ہیں کیونکہ انہوں نے دیکھ لیا کہ اسٹیبلشمنٹ کے بدلتے ہی اس برادری نے کیسے اپنا قبلہ تبدیل کرلیا تھا۔ اس پر ہمیں یاد آیا کہ چند ہفتے قبل سلیم صحافی صاحب نے ایک کمرے میں بیٹھ کر سابق وزیر خزانہ اسحٰق ڈار کا انٹرویو کیا ہے۔ غالب امکان یہی ہے کہ صافی صاحب نے نواز شریف سے انٹرویو کی درخواست کی ہو گی اور انہوں نے آہستگی سے اسحٰق ڈار کو آگے کر دیا ہو، اس کے بعد ڈار صاحب مہر بخاری کو بھی انٹرویو دیتے پائے گئے تھے اور اب تو نون لیگ کی جانب سے میڈیا کے محاذ پر بالکل خاموشی ہے، ایک........

© Daily Pakistan (Urdu)