ڈرائیونگ لائسنس ضرورت یا کاروبار
پاکستان کا المیہ شروع دن سے رہا ہے جو بھی حکومت آتی ہے وہ عوام کو سہولت دینے کا پلان بناتی ہے اور ساتھ ہی عوام کو پتہ چلتا ہے سہولت یا عوام کا فائدہ اس منصوبے میں کم تھا عوام کو لوٹنے کا پروگرام زیادہ تھا۔ مجھے یاد ہے لندن پلٹ ہماے ہر د لعزیز گورنر پنجاب چودھری سرور نے حلف اٹھایا اور عوام میں نکلے، عوامی بننے کا شوق اُنہیں شروع سے ہی تھا انہوں نے ہسپتالوں کے دورے کئے، اُنہیں معلوم ہوا ہسپتالوں میں موٹر سائیکل حادثات کا شکار نوجوان سب سے زیادہ آتے ہیں، زخمی نوجوانوں کے حادثہ کی زیادہ وجہ ہیلمٹ نہ پہننا ہے گورنر پنجاب نے اخلاص سے صوبہ بھر میں موٹر سائیکل سواروں کے لئے ہیلمٹ لازمی قرار دیا اور ہزاروں ہیلمٹ مفت تقسیم کیے اُنہی دِنوں سوشل میڈیا میں ایک خبر وائرل ہوئی گورنر پنجاب کا سارا منصوبہ ہیلمٹ فروخت کرنے کا تھا، حالانکہ مجھے اس خبر سے اتفاق نہیں تھا۔
سینئر بھارتی اداکار راکیش بیدی کو نوسرباز نے بڑی رقم سے محروم کردیاحادثات واقعی موٹر سائیکلوں کے زیادہ ہوتے ہیں اور ہماری نوجوان نسل ہی اس کا شکار ہوتی ہے ہمارے ہر دلعزیز وزیراعلیٰ پنجاب جو اپنے آپ کو نگران کہلانا پسند نہیں کرتے نگران کہنا بھی نہیں چاہتے نگران تو دِنوں یا چند مہینوں کا ہوتا ہے انہوں نے تو ریکارڈ کام کر کے محسن سپیڈ کا لقب حاصل کر لیا ہے۔ سابق گورنر پنجاب کی طرح وہ بھی جنونی ہیں جدھر طے کر لیتے ہیں سپیڈ پکڑ لیتے ہیں ہسپتالوں کے بعد ان کی توجہ کا مرکز بھی موٹر سائیکل سوار نوجوان اور بالخصوص بچے بنے اور پھر انہوں نے ٹریفک پولیس کو اس طرف لگایا،ٹریفک پولیس تو ایسے کام ڈھونڈتی ہے اس نگران........
© Daily Pakistan (Urdu)
visit website