محنت کش کے گھر ڈکیتی کی واردات ہوئی،جو کچھ تھا، وہ ڈاکو سمیٹ کر لے گئے۔ محنت کش کی بیٹیاں ہی ہیں، بیٹا کوئی نہیں سو اُس نے بیٹیوں کے لئے جو کچھ جمع کر رکھا تھا معاشرے کے دشمن بڑے اطمینان سے لوٹ کر چلتے بنے کچھ روز قبل ڈکیتی کی اِس واردات کی خبر موقر روزنامہ ”پاکستان“ میں پڑھی۔ ضلع نارووال سے خبر کے مطابق ڈاکوؤں نے بڑے طریقے سے واردات ڈالی، رات وہ گاؤں کے کھیتوں سے موسمی فصل کا پھل توڑ کر کھاتے رہے، تہجد کے وقت کے منتظر رہے،جیسے کوئی زاہد، عابد تہجد کا انتظار کرتا ہے۔ ڈاکوؤں کو بھی اُس وقت کا انتظار تھا اور جونہی تہجد کا وقت ہوا اہل خانہ تہجد کے لئے اُٹھے تو ڈاکو بھی ساتھ ہی اٹھ کھڑے ہوئے کہ انہیں تہجد کے لئے اُٹھنے والوں کا اِس لئے انتظار تھا کہ اُس وقت اہل خانہ کمرے کو کھولیں گے اور ڈاکوؤں کو کمروں میں گھسنے کا موقع مل جائے گا، گھر کی دیواریں پھلانگ کر تو وہ گھر میں پہلے ہی داخل ہو چکے تھے اِس لئے فوراً ہی اہل خانہ کو یرغمال بناکرلوٹا اور اپنی راہ لے لی۔ اِن دنوں سردی بے طرح زوروں پر ہے، رات تو پھر رات ہے کہ جس میں سردی اپنی انتہاؤں کو چھو رہی ہوتی ہے لیکن کئی روز ہوئے کسی نے سورج کا منہ تک نہیں دیکھا،جب دن میں سورج کی تمازت سے ماحول کو حرارت نہیں ملے گی تو رات تو اور بھی یخ بستہ ہوگی لیکن دیکھئے کہ ڈاکو رات گاؤں کے کھیتوں میں گیلی مٹی دھند اور اوس پڑی فصلوں میں بیٹھے کھانے میں مصروف ہوں۔ سردی بھی اُن پر کچھ اثر نہ کرتی ہو تو اُن کی طبیعت میں اُن کا مقصد کس قدر راسخ ہو چکا ہے اِس آپ اندازہ کرسکتے ہیں۔ یہ تو ڈکیتی کی ایک........

© Daily Pakistan (Urdu)