ہمارے آسمان کی طرح اِن دنوں سیاست کی دنیا بھی دھندلاہٹ کا شکار ہے۔ہاتھ کو ہاتھ سجھائی دیتا ہے نہ کوئی صورت نظر آتی ہے۔انتخابات کے انعقاد کا بگل بج چکا ہے لیکن لوگوں کو ابھی تک یقین ہی نہیں آ رہا کہ یہ بیل منڈے چڑھے گی یا نہیں؟گو مگو کی کیفیت نے دلوں کو جکڑ رکھا ہے۔سبب اِس کا یہ ہے کہ آج سے دو دہائیاں پہلے سرکار کے پاس پاکستان ٹیلی ویژن اور ریڈیو پاکستان کی شکل میں دو سرکاری لاوڈ سپیکر ہوتے تھے۔اِن سے جو اعلان ہوتا تھا، لوگ اُس پر چار و ناچار ایمان لے آتے تھے،کوئی دوسری رائے کم ہی سننے میں آتی تھی۔آج صورت حال کچھ نہیں بہت زیادہ مختلف ہے۔آج سرکاری لاوڈ سپیکروں کے ساتھ ساتھ سوشل میڈیا کی طاقتور آواز بھی موجود ہے۔یوں سمجھیے کہ آج جتنے موبائل فون ہیں، اتنی ہی مختلف آراء سامنے آ جاتی ہیں۔ہر آدمی اپنے دل کی بات انگلیوں کی چند حرکات سے لکھ ڈالتا ہے اور دوسروں کی رائے کو متاثر کرتا ہے۔آج سوشل میڈیا کی آواز اتنی طاقتور ہے کہ سرکاری لاوڈ سپیکروں سے ہونے والے اعلانات کی آوازیں دب کر رہ جاتی ہیں۔وہ نادیدہ ہاتھ جو کل تک اپنی مرضی کے انتخابی نتائج آسانی سے حاصل کر لیا کرتے تھے، آج اُن کے لیے بہت مشکل پیدا ہو چکی ہے۔ سوشل میڈیا پر لوگ اپنی خواہشات اور توقعات کے مطابق رائے دیتے ہیں۔لطف کی بات یہ کہ اُنہیں اپنی خواہشات اور توقعات پر یقین کرنے والے لوگ بھی مل جاتے ہیں،ہزاروں لوگ اُن کے ہم نوا ہو جاتے ہیں۔
پختونخوا،پی پی، اے این پی،(ن)لیگ اور جے یو آئی میں سیٹ ایڈجسٹمنٹ نہ ہوسکی مقابلہ کوئی بھی ہو، ایک فریق کو جیتنا ہوتا ہے اور ایک کو ہارنا ہوتا ہے لیکن آج سوشل میڈیا دیکھ کر تو یوں لگتا ہے کہ سیاسی میدان میں اُتری ساری سیاسی جماعتیں ہی جیت جائیں گی یا ساری سیاسی جماعتیں ہار جائیں گی۔لوگ اپنی پسندیدہ سیاسی جماعتوں کو جتا رہے ہیں اور ناپسندیدہ جماعتوں کو کھوہ کھاتے ڈال رہے ہیں۔کسی زمانے میں الیکشن سے پہلے چلنے والی ہوائیں بتلا دیا کرتی تھیں کہ اب مسندِ اقتدار کسے ملے گی۔آج سوشل میڈیا کی ہوا سبھی کو اپنے زور میں بہائے لیے چلی جارہی ہے۔
آج صبح میں نے اپنا موبائل دیکھا تو پتا چلا کہ ملک بھر کے سرکاری ملازمین پاکستان پیپلز پارٹی کے بلاول بھٹو کے حق میں آواز اٹھا رہے ہیں۔سب یہی کہتے نظر آئے کہ ووٹ صرف بلاول بھٹو کے تیر کو دیا جائے گا۔سبب اِس کا یہ بتایا گیا کہ بلاول نے سرکاری ملازمین کی تنخواہیں پانچ برس کے اندر اندر دوگنا کرنے کا اعلان کیا ہے۔یوتھ کارڈ اور ہاری کارڈ کے اعلان نے نوجوانوں اور کسانوں کو بھی تیر کی محبت میں مبتلا کر دیا ہے۔اللہ کرے کہ بے نظیر بھٹو کا بیٹا جیت جائے لیکن پچھلے چند برسوں میں کراچی اور اندرون سندھ میں ہونے والی "ترقی" دیکھ کر دل میں عجیب عجیب وسوسے پیدا ہوتے ہیں۔
بھارت،بپھرے بیلوں نے تماشائیوں کو روند ڈالا، 2افراد ہلاک کچھ وقت کے توقف کے بعد میں نے دوبارہ سوشل میڈیا کے سمندر میں چھلانگ لگائی تو پاکستان مسلم لیگ کی کامیابی و نصرت کا گوہر ہاتھ لگا۔جس طرح میاں محمد نواز شریف کے چاہنے والے اُن کے حق میں آواز بلند کر رہے ہیں حتی کہ اُن کے مخالفین بھی یہی کہتے سنائی دے رہے ہیں کہ اِس بار بھی میاں صاحب ہی وزارت عظمیٰ کی کرسی پر متمکن ہوں گے۔عدالتیں اُن کے حق میں مقدمات کے فیصلے سنا رہی ہیں۔دوسری پارٹیوں کے الیکٹیبلز جوق در جوق اُن کی پارٹی میں شامل ہو رہے ہیں۔اب اُن کا سوشل میڈیا ونگ بھی سرگرم نظر آتا ہے۔نوجوانوں کو اپنی طرف کھنچنے کی کامیاب کوششیں ہو رہی ہیں۔ویسے بھی تاریخ سے یہی سبق ملا ہے کہ جس پارٹی سے حکومت چھینی گئی ہو اگلی بار تلافی کے لیے اُسی کو اقتدار سونپا جاتا ہے۔میاں نوازشریف صاحب سے بہتر تاریخ کے اِس سبق کو کون جان سکتا ہے؟اُن کی چال ڈھال اور بول چال سے اندازہ لگایا جا سکتا ہے کہ اگلی بار پھر وہی برسر اقتدار آنے والے ہیں۔
البانیہ کے شاہی جوڑے نے 8سال بعد طلاق کا اعلان کردیا چائے کا ایک کپ نوش کرنے کے بعد تیسری بار اپنا موبائل اٹھایا تو سوشل میڈیا نے خبر دی کہ مظلومیت کی چادر اوڑھنے والی جماعت پی ٹی آئی کامیابی سے ہم کنار ہوا چاہتی ہے۔اِس پارٹی کے بیش تر عہدے دار، ووٹر اور سپورٹر عملی طور پر چاہے مِنقار زیر پر ہیں لیکن سوشل میڈیا پر اُنہوں نے اپنی پارٹی کی "باکس آفس" کامیابی کے جھنڈے گاڑ دیے ہیں۔سوال یہ پیدا ہوتا ہے کہ اگر سب جیت رہے ہیں تو ہار کون رہا ہے؟ مجھے تو ایسا لگتا ہے کہ ہار اِس بار بھی جمہور اور جمہوریت ہی کی ہوگی۔بڑے بڑے صنعت کار، مافیاز، جاگیردار، وڈیرے، قبضہ گروپ اور ذخیرہ اندوز ایک بار پھر جمہوریت کے چڑیا گھر میں پہنچ جائیں گے اور بے چاری چڑیا کے نام پر درندوں کی طرح سارا بجٹ چٹ کر جائیں گے کیونکہ ہم اتنی خرابی کے باوجود ابھی تک اپنے نظام کو درست نہیں کر سکے۔نظام تب درست ہو گا جب ایک عام اور غریب آدمی انتخابات میں حصہ لینے کے قابل ہو سکے گا۔عام آدمی کو اِس بار بھی یہ لوگ ایک سیڑھی کی طرح استعمال کریں گے اور پانچ برس کے لیے اِس سیڑھی کو کسی توشہ خانے میں رکھ کر بھول جائیں گے۔
اداکارہ سونم کپور نے 20 کلو وزن کم کرلیا
login
who are we?
contact us
qosheapp
Toi Staff
Gideon Levy
Belen Fernandez
Tarik Cyril Amar
Rami G Khouri
Dr Ramzy Baroud
Mort Laitner
Bradley Blankenship
visit website
