سیانے کہتے ہیں کہ جلد بازی شیطانی عمل ہوتا ہے اور یہ سب ہم بہت خوشی اور جوش سے کرتے ہیں،موبائل فونز کی صورت میں جو ہتھیار ہمارے اناڑی اور کھلاڑی افراد کے ہاتھ میں آ گیا ہے اس سے وہ سب کشتوں کے پشتے لگاتے چلے جا رہے ہیں یہ ہتھیار اتنا خوفناک اور خطرناک ہو چکا کہ معاشرے کا توازن بگڑ کر رہ گیا ہے۔ حیرت تو ان حضرات پر ہوتی ہے جو مثبت سوچ کے حامل ہوتے ہوئے بھی جلد باز اور جذباتی ہو چکے ہیں۔ایران اور پاکستان کی طرف سے جو بھی ہوا وہ سب کے سامنے ہے،72گھنٹے گزرنے سے قبل ہوش جوش پر غالب آ گیا اور جو تعلقات پلک جھپکتے بگڑے وہ پھر سے بحال ہو گئے اور نہ صرف دونوں ممالک کے سفارتی تعلقات پھر سے بحال ہو گئے، بلکہ بات چیت کے ایسے دروازے بھی کھل گئے جن کے نتیجے میں ایسی غلطیوں کا امکان ختم یا کم تر ہو جائے گا جس کی وجہ سے یہ صورتحال پیدا ہوئی۔

ہمارے ملک میں ٹرولرز کی جو فوج ظفر موج ہے ان کے پاس اور کوئی کام نہیں،دُکھ تو یہ ہے کہ یہ حضرات ملکی سلامتی کا بھی خیال نہیں کرتے اور اپنی ذہنی رو کے مطابق موبائل سے کلاشنکوف کا کام لیتے چلے جاتے ہیں،ان کو یہ اندازہ ہی نہیں ہوتا کہ یہ شوق اور جوش کتنا مہنگا ہے کہ اس سے ہمارا معاشرتی توازن ہی نہیں بگڑا بلکہ ملکی سلامتی بھی متاثر ہو رہی ہے۔ملک میں اہم ترین مرحلے کا سلسلہ شروع ہے،8فروری قریب تر ہو رہی ہے،سبھی یہ کہہ رہے ہیں کہ عام انتخابات کے انعقاد سے حالات میں........

© Daily Pakistan (Urdu)