ہر طرف سیاست کا بازار گرم ہے اور خواب فروش ملک کے طول و ارض پرعوام کو سپنے بیچ رہے ہیں۔ان خوش نُما خوابوں کی ایک مکمل کہکشاں ہے، اس قدر بہتات ہے کہ بعض اوقات یہ فکرلاحق ہو جاتی ہے کہ اتنے خواب ہم کہاں رکھیں گے؟

آٹھ فروری کو ہونے والے عام انتخابات میں تقریباً ڈیڑھ ہفتہ باقی رہ گیا ہے۔یہی وجہ ہے کہ الیکشن 2024ء میں حصہ لینے والی تمام سیاسی جماعتیں اور اُن کے قائدین کی انتخابی مہم عروج پر پہنچ چکی ہے۔ قومی و صوبائی اسمبلی کی نشستوں پر کھڑے ہونے والے تمام امیدوارسر دھڑ کی بازی لگائے ہوئے ہیں۔ان کی انتخابی مہم میں ہر وہ نفسیاتی حربہ استعمال کیا جا رہا ہے جس سے ووٹر کی توجہ حاصل کی جا سکتی ہو۔سوشل میڈیا پر تو جیسے رنگ برنگی ”ریلز“ کی بہار آئی ہو۔ کانٹینٹ تخلیق کرنے والے ”ماہرین“ اپنے اپنے امیدوار کوایسے ایسے انداز میں ”پروجیکٹ“ کر رہے ہیں جیسے وہ پاکستان کے روایتی سیاستدان نہیں،بلکہ کوئی دیو مالائی کردار ہیں۔ظاہر ہے الیکشن سے قبل عوامی رابطہ مہم زور پکڑتی ہے اور اس موسم میں آپ کو وہ سیاستدان بھی ترلے منتیں کرتے نظر آئیں گے جو منتخب ہو کر دوبارہ مُڑ کر کبھی اپنے حلقوں میں نہیں گئے، لیکن اس وقت گلی محلے سے لے کر سیاسی جماعتوں کے صدر دفاتر تک عہدو پیما اور وعدوں، قسموں کی رُت چھائی ہوئی ہے۔

روایتی........

© Daily Pakistan (Urdu)