نون لیگ کے قائد نواز شریف جب سے عوامی رابطہ مہم پر نکلے ہیں عوام سے ان کے رابطے کی مضبوطی سب پر عیاں ہوتی جا رہی ہے ۔ اگر بلاول بھٹو کی طرح نوا ز شریف بھی دو مہینے پہلے ہی اس مہم پر نکلے ہوتے تو ممکن ہے آج سندھ کے عوام بھی انہیں سندھ میں جلسے کرنے کے لئے خطوط کے ذریعے دعوتیں دیتے پائے جاتے کیونکہ پاکستا ن کی ترقی کا دوسرا نام نواز شریف ہے جو کبھی جھوٹے وعدے نہیں کرتے اور عوام کو کبھی سبز باغ نہیں دکھاتے۔

نواز شریف کے مخالفین پراپیگنڈہ کرتے نہیں تھکتے تھے کہ ’کھاتا ہے تو لگاتا بھی ہے ‘۔ پانامہ کے مقدمے میں ایڑی چوٹی کا زور لگانے کے باوجود مخالفین یہ تو ثابت نہ کر سکے کہ نواز شریف کھاتا ہے مگر آج جس طرح ان کی عوامی جلسوں میں پذیرائی ہو رہی ہے اس سے ایک بات ضرور ثابت ہوجاتی ہے کہ نواز شریف کھاتا ہو یا نہ کھاتا ہو، لگاتا ضرور ہے ۔ اسی لئے تو مریم نواز کہتی پائی جاتی ہیں کہ ان کے مخالفین جہاں کھڑے ہو کر جلسہ کر رہے ہوتے ہیں ان کے سامنے بھی نواز شریف کا پراجیکٹ ہوتا ہے ، پیچھے بھی ہوتا ہے ، دائیں بھی ہوتا ہےا اور بائیں بھی ہوتا ہے۔

نواز شریف ابھی اقتدار میں آئے نہیں ہیں اور عوامی سروے بتاتے ہیں کہ لوگوں کو امید پیدا ہوگئی ہے کہ وہ انتخابات کے بعد سب ٹھیک کردیں........

© Daily Pakistan (Urdu)