قوم کے نام انتخابات سے پہلے آخری پیغام
میرے پاکستانیو السلام علیکم، جیسا کہ آپ سب کو معلوم ہے کہ اگلی جمعرات یعنی 8 فروری 2024 ء کو پاکستان بھر میں جنرل انتخابات ہو رہے ہیں۔ کہنے کو یہ جنرل انتخابات ہی ہیں، لیکن ان کو عام انتخابات نہ سمجھا جائے جس میں عام آدمی اپنی رائے کا اظہار کرتا ہے کہ ملکی نظام کا بندوبست کرنے یا ملک کا کاروبار چلانے کے لئے میں اپنے حلقے سے فلاں امیدوار کو اختیار دے رہا ہوں۔ ویسے تو پاکستان کی بدقسمتی رہی ہے کہ جن کو ہم ملکی کاروبار چلانے کے لئے منتخب کرتے رہے وہ لوگ اپنے ذاتی کاروبار بڑھاتے رہے، لیکن اب پاکستانیوں کو کافی حد تک سمجھ آ چکی ہے کہ کون کون سی جماعتیں یا آزاد امیدوار ایسے ہیں جن کا مقصد صرف ذاتی کاروبار ہے اور انہوں نے سیاست کو بھی منافع بخش کاروبار بنا رکھا ہے۔
نواز شریف کی این اے 130 سے سیٹ غیر محفوظ ہے, صحافی منصور علی خان کا دعویٰجمہوریت کو مضبوط کرنے کا اس کے سوا کوئی راستہ نہیں کہ ہر بندہ اپنی رائے کا استعمال کرے اور ریاست تسلسل کے ساتھ وقت مقررہ پر عوام کو اظہار رائے کا موقع فراہم کرنے کے لئے انتخابات کا انعقاد کرے۔ ہمارے ملک جیسے ممالک جہاں آج بھی اڑھائی کروڑ سے زیادہ بچے تعلیم سے مرحوم ہیں اور ووٹرز میں بھی نصف تعداد ناخواندہ کی ہے، میں جمہوریت سے پورا استفادہ نہیں کیا جا سکتا، لیکن بدترین جمہوریت بھی بہترین آمریت سے بہتر ہوتی ہے اور جمہوریت کی پختگی بھی جمہوریت کے تسلسل سے ہی ممکن ہوتی ہے۔ بعض قوتوں نے ہمارے ملک میں........
© Daily Pakistan (Urdu)
visit website